2015年7月2日 星期四

黃智賢神氣放狗 [壹週刊 - 1321] 黃智賢,M1,



同你吟一吟

黃智賢神氣放狗

養寵物同養小朋友花嘅時間金錢同愛心,並無分別。回巢十年,近年喺大台終於等到機會做男主角嘅黃智賢,啱啱拍完新劇《波士早晨》,可以唧番啲時間出嚟陪老婆同兩個女:三歲 Pepper同 Cream Cream。

早個禮拜,黃智賢推住寵物車,又水又清潔用品,上齊裝備一家四口去咗赤柱行街街,俾狗狗落地自己行,老豆一樣嘅佢會先同兩隻寶貝喺腳仔搽定消毒劑,有途人見狗狗得意,主動走埋嚟玩,黃智賢唔似老婆咁寬容, keep住神氣同 cool爆,差在未開口趕人走。

兩人兩狗,行吓睇吓坐低食嘢,前前後後 hea咗三個鐘。好多寵物主人只係齋玩,照顧屋企啲四隻腳一條尾靠晒外傭姐姐,但黃智賢當自己生嘅咁,真係好錫狗囉!

一臉神氣嘅黃智賢,一家四口遊赤柱坐低食嘢,睇吓衫,仲買咗兩幅畫, hea足三個鐘。

Cream Cream大解完,老豆執「金」,有公德。

難得放假,黃智賢攬住老婆 selfie。

帶狗狗去街,除咗出動寵物車,仲有三寶:水、濕紙巾同消毒劑。

三唔識七嘅吊帶裙姐姐抱起 Cream Cream玩,黃智賢𥄫到實。

鍾意就快D Share啦!
Related Posts Plugin for WordPress, Blogger...