熱爆娛樂: 盧大偉抗腸癌兩年　戚美珍資助手術費 [壹週刊

2016年3月10日星期四

盧大偉抗腸癌兩年　戚美珍資助手術費 [壹週刊 - 1357] __,癌,盧大偉,戚美珍,M1,

盧大偉抗癌兩年間，據知三嫂戚美珍不時往探病，又在金錢上義助手術費。雖然她不欲多談，但日前盧太卻公開答謝她「一直支持」。

探熱針

盧大偉抗腸癌兩年　戚美珍資助手術費

「一代爛 gag笑匠」盧大偉上週五（ 4/3）因病與世長辭，對於丈夫不敵癌魔，盧太矢口否認，但據本刊了解，盧 David 14年被發現患腸癌後，曾開刀切除癌細胞，被折騰兩年，曾自認因好賭剩唔到錢的他，抗癌期間一直得到圈中好友經濟資助，當中包括曾志偉、「三嫂」戚美珍等亦有伸出援手，患難見真情。

大台藝人會搞掂

本週一（三月七日）中午，演藝人協會代表丁羽、「三嫂」戚美珍、阮兆祥、陳芷菁在九龍仔業主會見面，閉門商討盧大偉的身後事，傾足三粒鐘，演協會副會長陳芷菁離去時表示：「演藝人協會同 TVB都會負責所有費用，會盡量唔使盧太擔心。」

在過往的訪問中，盧 David曾公開承認自己早年嗜賭，冇積蓄。

「以前太悠閒，一星期返兩日工，開始賭馬同打牌，試過有人叫我星期六（賽馬日）開外景，我即時黑面，覺得跑馬係大晒，就學人推 job，得罪咗好多導演。」

身後有餘意縮手！患病期間，有指老友曾志偉、三嫂戚美珍亦有施以援手。

「一三年志偉搵 David拍《 M Club》，做李若彤同張致恒老豆，離開咗無綫咁耐，佢真係俾面志偉先應承返去拍；但拍完又挑番起啲戲癮，所以前年家燕姐搵佢同麥包（長青）拍《倩女喜相逢》，佢即刻應承。但造型試晒乜都 ready好，臨拍嗰刻佢忽然辭演，之後由于洋頂咗個角色。

「其實當時 David因為 check到腸有事，仲擴散得好快，佢做過兩次手術，孭住大筆醫藥費。志偉知道後就幫佢孭咗條大數，三嫂都有幫！」知情者說。

記者曾就此向戚美珍求證，但她卻迴避，不願再提。

去年尾盧 David病入膏肓，他最後一次出席朋友聚會時面色偏黃，身形明顯瘦了兩圈，但有太太攬住，笑容仍在。

週一（ 7日）中午，三嫂、丁羽、陳芷菁、阮兆祥等演藝人協會代表，陪住盧太到九龍仔業主會商討盧 David身後事，喪禮以基督教儀式進行，定於本月 27日在大圍寶福紀念館設靈，翌日火葬。而演協會及大台將會負責全數殮葬費用。

曾志偉與盧 David相交多年，據知盧曾兩次進行切除癌細胞手術，志偉拍心口負責大部分醫療費用。

公開笑談腸有事

配合老公生前報喜不報憂的性格，盧太一直否認盧大偉因腸癌辭世。去年十月，甚少露面的盧 David，為撐老友資深傳媒人程乃根，現身對方主持的港台《電視風雲半世紀》，其時，盧大偉已面容發黑和聲沙，席間劈頭第一句，他就暗示自己腸有事。

「你（問程乃根）有冇睇到我病呀？（我見到你清減咗啲！）點止呀！我直頭係開肚，攞咗啲腸出嚟洗乾淨佢，洗得好白，即係『開腸（場）白』喇！」

之後再追問病況，盧 David已收口唔再講，抗病兩年，終於要走。

離開大台多年，盧 David 13年破例回巢參演志偉監製的大台劇《 M Club》，當時其精神狀況已比以往憔悴。

週日（ 6日）晚，大台為盧 David直播特備節目《別了 Gag王盧大偉》，他生前一眾好友紛紛出席悼念，其中陳敏兒更大爆故友早年長期食藥減肥，令脾氣暴躁。

本月 4日（上週五）早，盧 David最終不敵病魔離去。盧太宣布丈夫死訊後，便由姨甥仔陪住到杏花邨海邊吹風，據知昔日兩口子經常到此拍拖散步。

六兄姊三個入咗行

盧 David原名盧永福， 1945年生於上海，兩歲移居香港。父親從商，兒時家境不俗，盧 David是家中幼子，對上有三兄兩姊，二哥與三哥畢業於喇沙，他與長兄讀華仁。後因家道中落，盧 David中五畢業後，先後做過文華東方酒店接待員和滙豐銀行櫃位員，直至 68年考入亞視第二期藝員訓練班。

長兄蕭亮（原名盧永華），曾是無綫御用報幕員，因在經典劇《男親女愛》中，經常搶主角黃子華及鄭裕玲風頭而得名「老薑攝石人」。盧 David在訪問中稱大哥近年定居加拿大多倫多，在當地電台開咪。

兄弟中除了二哥冇做過娛圈，三哥盧遠既是著名馬評人，也早在麗的時代，已創先河主持成人節目《貓頭鷹時間》及《哈囉夜歸人》等，十分大膽。已退休的盧遠在香港住，去年初他曾接受過香港傳媒訪問。