2016年3月10日 星期四

想拗直鄺祖德開齋 陳慧嫻又做傻女 [壹週刊 - 1357] __,陳慧嫻,M1,

探熱針想拗直鄺祖德開齋 陳慧嫻又做傻女上星期五晚(三月四日),一連四場陳慧嫻紅館演唱會開鑼。已經50歲兼多年冇開齋的她,向近萬觀眾盡訴心中情,分享以往情史外,更自爆dry咗十年後,早前遇到心儀對象並主動出擊,點知做咗傻女揀錯攣男,想拗都拗唔直。雖然陳慧嫻冇公開「愛人」是誰,但據了解,俾傻女睇中的攣男正是陳秋霞的姨甥鄺祖德,比慧嫻細十二年,今年38歲,因為負責為翻唱碟《Evolve》做編曲,雙方開始 ...


探熱針

想拗直鄺祖德開齋 陳慧嫻又做傻女

上星期五晚(三月四日),一連四場陳慧嫻紅館演唱會開鑼。已經 50歲兼多年冇開齋的她,向近萬觀眾盡訴心中情,分享以往情史外,更自爆 dry咗十年後,早前遇到心儀對象並主動出擊,點知做咗傻女揀錯攣男,想拗都拗唔直。

雖然陳慧嫻冇公開「愛人」是誰,但據了解,俾傻女睇中的攣男正是陳秋霞的姨甥鄺祖德,比慧嫻細十二年,今年 38歲,因為負責為翻唱碟《 Evolve》做編曲,雙方開始接觸。以為可以標尾會,點知搞錯晒!

寶刀未老

嚟緊七月滿五十一歲,但陳慧嫻寶刀未老,四場紅館演唱會,晚晚爆!叫座力強,但慧嫻未有自滿交行貨,反而又唱又跳,多次在台上表演極速剝變裝,又玩黑絲誘惑,性感和大膽程度,遠勝從前。

唱得慧嫻原來仲好 talk得!當眾剖白自己的感情世界,講到自從同前度醫生男友謝國麟分手,已經十年冇拍拖,直至早前,終於遇上心儀對象。

「有朋友問我呢十年有冇搵到鍾意嘅人,其實我好少遇到好鍾意嘅人,直到喺幾個月前,遇到個好靚仔、運動型有陽光氣息,有種貴氣好似陳百強公子哥兒嘅感覺,仲好有才華,我呢個獅子座遇到佢就變咗雀仔座,好想挨住佢。」陳慧嫻說。

演唱會上,慧嫻講到患病的朋友,忍唔住當場與淚抱擁。

慧嫻每次同鄺祖德影合照,都會情不自禁挨個頭埋去,又會繑實男方隻手,十分主動。

之前陳慧嫻拍音樂特輯,除了搵李克勤、許志安同劉美君外,仲有請埋鄺祖德出席,俾他機會上電視。

慧嫻自爆愛上攣人,有人估她愛上音樂總監何秉舜,但她堅決否認,仲話大家唔會估到。

陳秋霞姨甥

難得遇到個啱心水,慧嫻亦唔拖泥帶水,直問對方有冇女朋友,答案係冇!正當慧嫻以為得米,點知對方坦白話有男朋友!「聽到嗰一刻猶如晴天霹靂!十年冇開齋,一開齋就遇到 Mr. Impossible!」陳慧嫻說。

令守齋十年慧嫻想開齋的攣男,原來是陳秋霞的姨甥、曾經出過幾張唱片的歌手鄺祖德,現年三十八歲,比慧嫻細十二年,祖父鄺命光是九龍城區大地主,家境有番咁上下。

鄺祖德的 Instagram內有大量與同性合照,同赤裸上身晒肌相。

除了講攣男外,慧嫻仲有講番以前同設計師男友 Michael的一段情。

尾場嘉賓有草蜢,慧嫻取笑三人似太監,而草蜢就自稱是花仔。

做晒主動

半年前,兩人因為合作慧嫻的翻唱碟《 Evolve》認識。

「錄音嗰排,慧嫻成日捉住 Enrico(鄺祖德)傾偈,由傾音樂開始,再傾埋人生哲理,慧嫻覺得呢個男仔好有見識,好啱睇!所以擺明車馬,傾偈挨身挨勢又繑晒手好主動!可能慧嫻見 Enrico冇反抗冇避,以為對方都有意思,其實 Enrico當佢姊妹, Enrico仲將呢個笑話周圍同人講,炫耀慧嫻主動溝佢幾巴閉咁。」知情者說。

到慧嫻開口直接向鄺祖德表白,他迫於無奈,同慧嫻坦白自己已有男友,大家冇可能一齊!有眼光但唔夠眼力的陳慧嫻,拗唔直攣男,但毋損「好姊妹」關係,二人仍經常見面聯絡。

50歲的陳慧嫻在演唱會上載歌載舞,更表演埋當眾剝衫,露出黑絲。

黑絲之外,慧嫻連八月十五都 show埋出嚟,搏得好盡。

陳慧嫻演唱會點少得經典快歌《跳舞街》。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...