2016年3月10日 星期四

翠如 BB求其 黃宗澤姿整 [壹週刊 - 1357] __,翠如,黃宗澤,黃翠如,M1,

同你吟一吟翠如BB求其 黃宗澤姿整早個禮拜,無綫新劇《幕後玩家》喺中環舊立法會附近拍外景,劇中同真命蕭正楠一對嘅黃翠如,是日就拍住黃宗澤落場。食lunch時間,中環人頭湧湧,場戲講「雙黃」過馬路期間,Bosco唔小心撞到翠如BB連電話都跌埋落地……過馬路要等燈,老臨加真路人,兩個主角入啱鏡位,唔俾人遮到,撞彩咁撞!拍咗十幾take,戴帽出鏡嘅翠如BB冇叫人補過妝,但Bosco一時眼乾要滴眼藥水,一 ...


同你吟一吟

翠如 BB求其 黃宗澤姿整

早個禮拜,無綫新劇《幕後玩家》喺中環舊立法會附近拍外景,劇中同真命蕭正楠一對嘅黃翠如,是日就拍住黃宗澤落場。

食 lunch時間,中環人頭湧湧,場戲講「雙黃」過馬路期間, Bosco唔小心撞到翠如 BB連電話都跌埋落地……過馬路要等燈,老臨加真路人,兩個主角入啱鏡位,唔俾人遮到,撞彩咁撞!

拍咗十幾 take,戴帽出鏡嘅翠如 BB冇叫人補過妝,但 Bosco一時眼乾要滴眼藥水,一時又要工作人員幫佢噴吓定形水,再唔係補遮瑕膏,勁姿整!

又係喎!其實大家都見識過黃翠如瞓醒同蕭正楠出街,冇加色水個嚇瓜人樣,夠膽就咁周圍去,翠如 BB自信天生麗質,工作人員大條道理,唔使成日郁手執佢

負責髮型同化妝嘅工作人員,時刻 standby喺 Bosco身邊執妝,但對女主角黃翠如就求求其。

Bosco拍到眼乾要滴眼藥水。

場戲講 Bosco過馬路撞到黃翠如跌咗個電話落地,演員臨記加埋真途人, take完一 take又一 take,拍咗個幾鐘都未搞掂。

近年喺內地拍咗唔少劇嘅 Bosco中環拍外景,吸引自由行揸住手機勁㩒。

撰文:八珍


鍾意就快D Share啦!
Related Posts Plugin for WordPress, Blogger...