熱爆娛樂: 救妻加分　閉關削十磅　 57歲艾威坐正 [壹週刊

2016年3月10日星期四

救妻加分　閉關削十磅　 57歲艾威坐正 [壹週刊 - 1357] __,艾威,M1,

經過日操狂操，艾威減肥最後一日見成績，腰圍見番斜度，買定嘅 30碼新褲可以著住上機。

探熱針

救妻加分　閉關削十磅　 57歲艾威坐正

老婆子宮有巨瘤，失業的艾威去年不惜花光百萬積蓄救妻；但手術後威嫂身體出現後遺症，導致肝臟得番兩成功能，艾威願意為了另一半捐肝，犧牲精神令人感動，暖男形象亦為艾威的事業扭轉乾坤，獲一部由中美合資的網上電影鎖定做男主角。

57歲轉運，艾威不敢怠慢，展開地獄式特訓，閉關削十磅肥膏，操 fit飛荷李活開工。

日日朝六晚十

過去一年，艾威陪老婆捱過人生一段艱難歲月，不離不棄，暖男形象，更令他的事業帶來一個突破機會。

在內地影視網「愛奇藝」即將開拍的一套網上電影中，艾威被欽點做男一，該片有美國資金，全片在美國拍攝，艾威第一次在電影中孭正，便有機會進軍荷李活。

約滿港視後，食白果兩年，搞到要剝光拍戲搵路行的艾威，把握今次黃金機遇，許勝不許敗，為擺靚個陣，早前更單拖飛去馬來西亞，閉關兩星期，進行地獄式減肥。

閉關兩週，每日朝六晚十，游水、跑沙灘、跑樓梯、跳繩、打拳狂操，再配合三餐減肥食法，艾威更將瘦身過程拍低，結果超出預期，成功出關。

減肥第 1日

去年花盡百萬積蓄救妻命，兩公婆患難見真情，艾威亦因此被網友封為暖男。

為要在兩週內減十磅，艾威喺馬拉閉關時，堅持每日做兩項運動，每項做兩轉，其中早晚練拳四十五分鐘。

唔敢太興奮

從自拍的紀錄片中，見到每日半裸出鏡的艾威由孭住個三十二吋肥腩開始，到最後一日，著住預先買定，得三十吋褲頭的新褲上機，凱旋回歸。

Fit晒做男一，艾威說是對自己有交代。

「呢次唔係去荷里活商場，而係喺荷李活個字下面拍，開心有少少但唔敢太興奮，怕會妨礙演出，所以要保持平常心。」艾威說。

艾威話閉關 keep fit最難捱係每日獨自做 gym，差啲悶到想走。

去年威嫂被發現子宮「佗住」十幾磅巨瘤，唔知真係以為佢有咗。

數年前，艾威為咗完成本小說及附送的賭神秘笈，又係跑去佢至愛的閉關勝地馬來西亞一個月寫書。之後仲帶住本秘笈去澳門賭場成功挑機。

中段最痛苦

有勇氣全裸拍戲，如今孭正男主角，更加激發艾威的爆炸力。

「年紀大咗，新陳代謝都慢咗，原本諗住減八磅，後來加多兩錢力，減夠十磅。」

閉關最辛苦階段，係中場。

「最難捱係踏入第二個星期，一個人日日重複做同樣嘅嘢，真係好悶！要提自己絕不容許有一絲放棄就咁返香港嘅念頭，否則，一定捱唔到落去。（點解唔叫老婆一齊去？）去埋我就要照顧佢，而且我食得好簡單，佢一定冇可能跟我咁食！」艾威說。

話明閉關，梗係一個人，所以減肥過程都係艾威自拍，將心得記錄傳授俾大家。

朝朝跑沙灘不特止，仲要一口氣跑八層樓梯，真係少啲韌力都做唔到兩週可以減到十磅。

港視不獲發牌，面臨失業的艾威曾盡地一煲，為電影一幕露股上陣。

跳槽過港視時，他初嘗電視劇男一，與林文龍合作《三面形醫》。

去年艾威為自己公司開拍電影客串，今年四月，他將飛到荷李活，為中美投資的網上電影開工。

中年暖男有運行

雖然老土，但自身形象好壞，對事業機遇，始終有一定影響。圈中不少中年暖男，因為對家庭盡責，以好爸爸好丈夫形象，助旺事業。

馬德鐘

花弗的馬德鐘，近年洗心革面做番個好老公，不時孖住老婆張筱蘭出席活動， 13年，在結婚二十周年 party上，更公開愛妻宣言，形象由負變正。

吳鎮宇

跟仔仔 Feynman合作真人騷《爸爸去哪兒 2》後， cool爆吳鎮宇在鏡頭前表現出真我，兩父子更因而接了不少商演，豬籠入水。

劉青雲

沉默寡言的劉青雲，在去年金像獎頒獎禮中，多謝老婆郭藹明將經常升上太空的他拉回地球，向來是愛妻號的青雲更加得到女性高度評價，之後即被廣告商重金邀請夫妻檔拍廣告。

威嫂都威過

獲老公艾威花光百萬身家救命的威嫂（ Liza），過去亦有威水史。當年在新世界集團舉辦的選美中艷壓群芳，與艾威拍拖前，更被俞琤發掘游說入行，跟娛樂圈早有淵源。

據悉，當年在新世界服務式住宅開班做健康舞導師的威嫂，裙下之臣不缺城中富家公子，贏得 86年新世界小姐選舉冠軍後，老闆鄭裕彤主動建議做提名人，勸她選香港小姐。

「當年嘅新世界酒店好多圈中人出入，好多人都識 Liza，好似俞琤就試過薦佢入德寶電影，只要佢簽約就做女主角，男主角係當時已經好紅嘅張學友，套戲叫《痴心的我》，但 Liza對呢行冇興趣推咗，更加冇去選港姐。結果套戲女主角由羅美薇做咗，佢同學友就係拍呢部戲撻着。 Liza如果揀咗入娛圈，命運改寫，結婚對象都未必係威哥。」知情者說。