探熱針
夾就去馬 吳若希帶新歡睇八字
六年間由公屋升呢住豪宅揸靚車的吳若希（ Jinny），跟周志文、大隻仔溫家偉的緋聞煙幕，遠不及被有米叔叔照顧，周旋於會計師郭志燊及圈中人稱十哥的富商林棣權之間奇情，早前被指金主沒收二百萬波子跑車，打回原形要的士代步。不過舊的不去新的不來，桃花緣盛的她最近被一名澳門生意人力追，吳若希更帶對方睇八字夾時辰，啱使先去馬！
富貴粉絲勁追
近日忙於灌錄新唱片的吳若希，雖然日踩夜踩，依然唧到時間約會。
記者日前發現她一個人由金鐘港麗酒店上車到港澳碼頭，到埗後，一名早已在停車處等候的高大男上車，再一同去到尖沙咀山林道，落車上了一幢商業大廈。
據了解，早前吳若希在朋友聚會認識了一個三十多歲、在澳門有多間公司的男生意人，對方原是吳若希粉絲，只要在澳門有演出，他例必捧場，生意男周圍託朋友介紹，終於理想達到，自此便經常借故來港見面。
「 Jinny真係好多人追，但近年好多嘢佢都會問相士意見，搬屋更一定睇風水，農曆年前師父話佢今年愈多桃花愈旺事業，又話會有財運，佢全部信十足！識咗呢個粉絲無耐， Jinny就帶佢去睇邦邦（陳定邦），問吓兩個人夾唔夾。佢話自己近年好多爛桃花，搞到好煩，所以叫個男仔去睇吓流年，睇吓時辰八字夾唔夾，然後先決定大家有冇機會。」知情者說。
婚嫁三十歲後
吳若希同澳門生意男上樓唔夠半個鐘，便孖住另一男子離開。
對於吳若希帶人去夾時辰八字，陳定邦回覆說：「記憶中佢（吳若希）係介紹咗個客俾我，不過上嚟之後佢就走咗，所以我都唔清楚佢哋咩關係，亦唔知佢係咪追佢。（吳若希幾時會遇到真命天子？） Jinny適合啲成熟穩重型嘅男士，三十歲前拍拖係可以，但結婚最好就係喺三十歲後，因為佢行緊非常勁嘅財運。」
觀音兵
命運在我手！吳若希可以在短短幾年間，由住公屋搬到月租 4萬的何文田君頤峰， Benz、保時捷、七人車乜車都有，有指全靠大水喉射住，除咗一班金主，仲有唔少觀音兵爭住攝埋位，吳若希有本事，不用懷疑。
撰文、攝影、攝錄：娛樂組
|
鍾意就快D Share啦！
|
|
|
