七人車由停車場駛出（紅箭咀示），男途人橫過3條行車線往玉蓮臺（藍箭咀示）。（網民Brian Lam圖片）
牛頭角道發生奪命交通意外，七人車輾斃過路男！據現場目擊司機王先生指，當時他沿牛頭角道往觀塘方向行駛，在玉蓮臺停車場出入口，讓路予準備駛出的涉事七人車，詎料，七人車甫駛出牛頭角道，即將一名青年撞倒，青年遭捲入車底被前轆壓住，惟司機疑仍未察覺，直至王響按及喝止，司機仍一臉茫然，回過神來才發現撞倒人。
王表示：「佢（七人車司機）仲問我應該向前駛抑或倒車。」王即時叫對方勿動，並落車救人，期間有途人見狀施以援手，約10多名男女合力將七人車抬起，並將傷者由車底拉出，惟王嘆道：「佢（傷者）仲有反應，但唔係好嘅反應，已經成身抖震，好唔樂觀！」其後傷者被送院搶救後，證實已返魂乏術。
王認為七人車司機並非粗心魯莽的駕駛者，形容今次屬不幸事件，指當時該司機在路口「望咗好耐先出」，見他有望左有望右，由於當時王的私家車幫他擋住右邊車輛，故事發時涉事七人車司機或主力望左邊，難料有人「一支箭咁衝出嚟」過馬路，最終釀成意外。
來源 source: http://hk.on.cc
|
鍾意就快D Share啦！
|
|
|