網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月1日 星期四

撮合中港情緣 黃洋達認開交友公司 [壹週刊 - 1382] __,黃洋達,M1,

熱普城星期日搞造勢大會,黃洋達向本刊承認開過交友公司,但聲稱同中港婚姻無關。(郭永強攝)眾人諸事撮合中港情緣 黃洋達認開交友公司熱血公民不時攻擊大陸人嚟香港搶資源,但有曾經支持熱普城嘅「苦主」同記者講,熱血首領黃洋達曾經開過一間speeddating公司「美滿人生」,撮合中港情侶。公司註冊處資料顯示,「美滿人生」○七年七月成立,黃洋達係股東兼董事,一○年十一月已解散,但○九年公司負責人接受《蘋果》 ...


熱普城星期日搞造勢大會,黃洋達向本刊承認開過交友公司,但聲稱同中港婚姻無關。(郭永強攝)

眾人諸事

撮合中港情緣 黃洋達認開交友公司

熱血公民不時攻擊大陸人嚟香港搶資源,但有曾經支持熱普城嘅「苦主」同記者講,熱血首領黃洋達曾經開過一間 speed dating公司「美滿人生」,撮合中港情侶。

公司註冊處資料顯示,「美滿人生」○七年七月成立,黃洋達係股東兼董事,一○年十一月已解散,但○九年公司負責人接受《蘋果》訪問時,講明中港婚姻大跌三分一,會定期舉辦中港交友派對。交友就冇乜所謂,但如果根據熱普城嘅講法,容乜易變咗大陸人嚟搶香港嘅筍盤?

究竟黃洋達係咪為咗做生意而不顧香港毒男宅女嘅福祉,引「蝗」入室?佢向本刊「澄清」呢間唔係經營中港婚姻嘅公司,只係做約會服務,但冇透露點解要結業,仲話之前佢喺網台節目都講過約會服務,唔係咩新嘢嚟喎。

神通廣大嘅高登仔引述節目內容,話黃大罵無綫節目《盛女愛作戰》嘅人生導師 Winnie自己嘅人生都有問題,有乜資格檢討人哋嘅人生,仲話節目係植入式廣告。唔知開公司做中港約會但唔包生仔嘅黃洋達,又做唔做到其他人嘅人生導師?

毋忘義德道 拒絕禮義廉

「教主」黃毓民呢排心情唔多靚,相信同選舉支持度唔穩陣有關。為挽救選情,教主早幾日做社交網站直播,直斥本民前梁天琦去九西幫游蕙禎拉票,反而唔肯為熱普城港島候選人鄭錦滿站台,完全無視政治倫理咁話。一切正好說明,本土派對熱普城已經構成重大威脅。

自稱「毓民苦主」、以「香港本土力量」參選九西嘅何志光,估計亦係教主另一煩惱來源。何志光喺選舉論壇不斷翻教主舊賬,話佢放棄抗爭,更針對黃毓民一三年搬咗去九龍塘高尚地段義德道,擺明質疑教主收入來源。

何志光嘅競選口號「毋忘義德道」喺高登討論區爆紅,有網民更加上另一句「拒絕禮義廉」,將教主同民建聯相提並論,認真大膽。

黃毓民星期六 facebook直播,直斥梁天琦係政棍。

見到教主咁勞氣,梁天琦好識做即刻道歉,去影低鄭錦滿嘅直幡放上網當宣傳。(郭永強攝)

蔡若蓮當選……立會選戰抹黑王

出選教育界的蔡若蓮明明是左派教聯會副主席,卻稱自己是獨立人士,加埋連場選舉論壇信口開河,可謂枉為人師表。

立法會選舉進入最後大直路,除咗建制派同非建制派互片,兩方陣營又各自攻訐,但就絕對唔係君子之爭,因為失實同抹黑言論數之不盡,令過去香港選舉公平公正嘅特色蕩然無存。

抹黑言論太多,隨便噏鬧泛民幫假難民、收黑金已經係低層次,如果要揀抹黑之最,以偽獨立身份出選教育界嘅教聯會副主席蔡若蓮當之無愧。相信西環太想攻下教育界,蔡氏於是落足力向對手葉建源攻擊,但招式係失實指控,先喺選舉論壇質疑葉建源未有將「幼師薪級表」列入政綱,但其實上屆同今屆選舉,葉建源份競選政綱都清楚列明關注有關議題。

小試牛刀後,蔡氏再以葉建源曾借調教署,誣衊佢「依附羅范椒芬」,但眾所周知,當年葉建源屢次撰文批評教改,被羅范椒芬要求時任教院校長莫禮時解僱佢,引爆一場教院風波,蔡若蓮呢個指控,真係令人忍唔住笑囉,真係枉佢為人師表。

星島亂砌泛民無有怕

教育界選戰有蔡若蓮亂發炮,同時有親共傳媒配合提供新聞「故事」,講緊係星島集團旗下報刊。星島話事人何柱國早兩年獲 689頒咗大紫荊勳章,今次選舉亦繼續盡「忠」,先係無證無據下「傳」泛民會計界候選人梁繼昌搞婚外情,之後再話教協轉移會員去 IT界種票,「創作力量同幻想」,真係嚇選民一跳。

話時話,香港其實有條《選舉(舞弊及非法行為)條例》,選舉期間發表失實言論不單道德同操守有問題,更有違法可能,但由廉署負責執法,嗰度本身都係個淪陷區,唔知係咪因為咁,所以班建制派先咁肆無忌憚呢?

星島新聞集團話事人何柱國(右一)兩年前獲 689頒發大紫荊勳章,之後由反梁變撐梁,今次選舉,旗下報刊亦自然要繼續盡「忠」。

新聞「故事」有好多種,但唔係每一種都有事實根據,好似話教協轉移千五會員去 IT界種票,第二日選舉事務處澄清只有五十六人。

撰文:巫不言

news@nextdigital.com.hk


鍾意就快D Share啦!