網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月1日 星期四

袋一億過英皇 李克勤寫意煲雪茄 [壹週刊 - 1382] __,克勤,英皇,李克勤,M1,

做咗老豆後,克勤的生活圈子除了圈中人,得閒亦會同一班家長好友聯誼。娛樂偵訊袋一億過英皇 李克勤寫意煲雪茄八月正式成為英皇人的李克勤,據知今次轉會費是天文數字:一億!紅簿仔發晒光,三年前由清水灣搬到壽臣山複式單位,近日又再密密出動睇樓,準備入市,將銀紙換磚頭的他,日前與老婆盧淑儀約埋一班家長朋友開餐,更罕有煲埋雪茄,富貴到呢!考慮咗半年同藝能合作逾三十年,長情的李克勤決定走出comfortzone, ...


做咗老豆後,克勤的生活圈子除了圈中人,得閒亦會同一班家長好友聯誼。

娛樂偵訊

袋一億過英皇 李克勤寫意煲雪茄

八月正式成為英皇人的李克勤,據知今次轉會費是天文數字:一億!紅簿仔發晒光,三年前由清水灣搬到壽臣山複式單位,近日又再密密出動睇樓,準備入市,將銀紙換磚頭的他,日前與老婆盧淑儀約埋一班家長朋友開餐,更罕有煲埋雪茄,富貴到呢!

考慮咗半年

同藝能合作逾三十年,長情的李克勤決定走出 comfort zone,最終拍板過英皇,除因為老友容祖兒大力撥,以億計的轉會費,同樣令人難以抗拒。

「克勤出道(十八歲)已經簽咗俾藝能,咁多年都有唔少公司搵佢,掟錢氹佢跳槽,但佢都冇諗過走,直到老闆張國忠打算退休,加上身邊有唔少朋友都勸佢應該變吓,試吓啲新嘢;咁克勤都認同今次應該好好考慮吓,加上英皇嗰邊開咁大嚿錢,點都會心郁,但佢都諗咗成半年,先決定走!」知情者說。

決定離巢,克勤最唔捨得,是校長譚詠麟,亦師亦友,更似半個老豆的「左麟」,早前亦公開聲援拍檔多年的「右李」:「佢(克勤)一早同我講咗,我知唔係幾千萬(轉會費)咁少,我同佢講,人哋俾得起錢你,咪試吓囉!」

年初做完《我是歌手 4》後,克勤在內地人氣跳升,真人騷、音樂節目不停搵上門,還要忙於世界巡唱及商演,但他最緊張的,是一定要有期的「家庭樂」。

無煙癮的克勤,原來會煲雪茄。

作為哎吔老豆,阿倫亦贊成克勤接受新嘗試。

鬥足三個月,李克勤在《我是歌手 4》成功打入總決賽。

容祖兒落力幫口,成功拉攏克勤過檔英皇。

吹水扯大煙

兩個仔放暑假,廿四孝老豆騰出時間湊仔。日前,克勤兩公婆約埋一班家長 gathering。

雖然大家來自不同界別,但克勤一樣話題多多,兩個多小時飯局,講多過食,不時講到郁晒手,相當肉緊。

之後陪 Ryan同 Rex出去外面玩滑板車,見兩個兒子同幾個同學仔玩得好開心,克勤趁機抖吓氣,與其中一個家長坐埋一邊,傾住偈煲雪茄,夾 YY!

Hea到差不多十點幾,克勤才向在餐廳內的盧淑儀做手勢,示意撤退!

跟同學仔一齊玩嘅 Ryan(黑衫)及 Rex(紅衫)除咗鍾意踢波,近期亦愛上玩滑板車。

向來早瞓的克勤,十點已經趕住走。

李太盧淑儀,細心拆龍蝦肉俾囝囝食。

撰文、攝影、攝錄:娛樂組


鍾意就快D Share啦!