網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年2月23日 星期四

超雲擇吉日出山 [壹週刊 - 1407] __,超雲,M1,

同你吟一吟超雲擇吉日出山有四頭家,賭王何鴻燊兒女成群,十一個千金之中,年紀最輕嘅四太細女超欣得17歲,仲有排!95歲賭王想再飲女婿茶,就要睇三房超雲(27歲)、超蓮(25歲)同四房大女超盈(26歲)三姊妹邊個出閘先。不過咁,超盈近年要專心做女強人搞藝術,飛來飛去,搭機多過搭車;至於觀音兵多到數唔晒嘅超蓮,大把貨,不急於押注,佢家姐超雲甩咗陳山聰後,收埋自己做宅女,更加冇行!呢一日,三房兩姊妹約埋一 ...


同你吟一吟

超雲擇吉日出山

有四頭家,賭王何鴻燊兒女成群,十一個千金之中,年紀最輕嘅四太細女超欣得 17歲,仲有排! 95歲賭王想再飲女婿茶,就要睇三房超雲( 27歲)、超蓮( 25歲)同四房大女超盈( 26歲)三姊妹邊個出閘先。

不過咁,超盈近年要專心做女強人搞藝術,飛來飛去,搭機多過搭車;至於觀音兵多到數唔晒嘅超蓮,大把貨,不急於押注,佢家姐超雲甩咗陳山聰後,收埋自己做宅女,更加冇行!

呢一日,三房兩姊妹約埋一齊去金鐘太古行街搵嘢買,去勻 Fendi、 Chloe、 Harvey Nichols。隔幾日,超雲又去咗銅鑼灣時代廣場間 Lane Crawford巡鋪,但是日超蓮冇空,秘書補位做伴。

即係咁,近呢幾年超雲嘅生活得 shopping、做運動同陪賭王老豆三大主題,再咁落去,好易宅女變剩女,都係要快啲擇吉日出山

其實唔少女仔心裡會有一條線,希望可以喺 30歲前嫁得出,就以二房大家姐超瓊同孻女超儀為例,兩個都响三張臨界線前結婚。

照咁計,即使超雲超蓮歎慢板,都應該唔會等得耐。

見到鏡頭,超蓮立即通水,素顏超雲戴番副超,遮遮都好!

三房兩姊妹嘅感情生活一直為外界所關注,現階段多兵超蓮雖稍勝,不過何家千金唔憂嫁,寧願揀衫揀袋唔願揀老公。

行街係例行公事,超雲無無聊聊乜都睇吓摸吓,超蓮唔得閒,由秘書補位做伴。

超儀搵保鏢陪三點三,坐戶外方便食煙,但實在太大風,超儀忍唔住郁手拉低啲頂帽。

為咗令老公可以安心養病,超儀搬來搬去,陳子聰出入醫院期間,呢個外籍保鏢更一直喺兩夫婦身邊護駕。

轉性多年嘅超瓊同俞琤喺圓方睇完戲,再拍拖去 Ritz-Carlton食晚飯,因為搞唔清 Sky 100同 ICC,要靠職員教路。

撰文:八珍


鍾意就快D Share啦!