【《蘋果》獨家專訪】唔結婚唔生仔 兆尊御紅顏
「三個女人知道邊個主打」
現年50歲、已故慈善伶王新馬師曾長子鄧兆尊，雖然已淡出幕前一段日子，但全憑身邊三位紅顏知己Carmen、車厘子（Cherry）及Claire，令他搶回不少曝光率。盡享齊人之福的兆尊「持家有道」，「3C女友」各安本份相處融洽，完全沒有爭風呷醋。聲言不結婚不生仔的兆尊，日前接受本報專訪時大談御女友心得：「佢哋知道邊個係主打！」足讓全港女朋友奴借鏡。
因享齊人之福而被封「現代韋小寶」的鄧兆尊，日前接受本報專訪時不諱言指被三名女友主動追求。
被戲稱為「現代韋小寶」的鄧兆尊日前在銅鑼灣接受本報專訪，惟其3C女友沒有同場，他自爆要享齊人之福，最重要的是時間及節日的分配，最好的辦法就是不存在任何節日，他說：「女人緊張嘅嘢，男人可能成日都忽略，好似日子，不過習慣咗就唔會有呢個問題，我不嬲都冇節日觀念，屋企得清明同舊曆7月14（盂蘭節）比較注重啲，喺我嚟講，開心日日都係節日，佢哋都認同呢樣嘢。」
【三女同場】
兆尊本月初與Claire、車厘子及Carmen共同慶祝自己50歲牛一。資料圖片
慈善伶王新馬師曾過身後，祥嫂與子女因爭產不和，近年雙方關係已見緩和。
有小吵冇大鬧
對於被封「現代韋小寶」，兆尊淡淡然說：「金庸冇寫韋小寶有幾煩，你睇吓周星馳嗰套《唐伯虎》，咪話到畀你聽有乜嘢情況出現，屋企人一定有磨擦，呢啲係小問題，唔好將啲嘢放大就冇問題，乜嘢都係講道理。」外間一直將兆尊三位紅顏知己分為正印Carmen、二奶車厘子及三奶Claire，但在兆尊心目中是一視同仁，無分大小是令她們死心塌地的原因之一。至於婚姻承諾，兆尊搞笑說：「你叫我入回教呀？喺我個人眼中，婚書唔係一件好重要嘅嘢，對普通女人嚟講可能係，但係對一個同你一齊咁多年嘅女人嚟講，嗰張紙只係你保障離婚之後可以分到啲乜嘢。」他又指與三個女友有共識不會生小朋友，以免大人及細路都辛苦。
兆尊坦言三個女人一起生活吵鬧自然難免，慶幸都只是小吵沒有大鬧，他說：「佢哋私底下有個群組，大約知道今日會陪邊個，知邊個主打，主打覺得冇問題，咪一齊食飯。以前阿爸教我，食開眉粥好過愁眉飯，如果要愁眉飯嘅話，不如唔好食，坐得埋食飯一定要開心，做人好簡單，日日搵幾多，擁有幾多，如果食餐飯都覺得唔開心，你會覺得好失落。」
被問到將三女友比喻為汽水、清水及茶，兆尊指會一視同仁，不欲揀誰是最愛。
安德尊曾傳跟兆尊爭奪車厘子。 資料圖片
同洗米華比較
三名女朋友當中，兆尊都不諱言是女方主動追求，當中有傳他曾與安德尊（大王）爭奪安的前助手車厘子，最後勝利當然屬於兆尊。談到爭女傳聞，兆尊以「好好笑嘅笑話」來形容，他說：「係冇爭過，只係女追男啫，嗰陣我冇諗過同呢個人（車厘子）一齊，當時係喺訪問見過佢，順便幫我接埋job之類，總之係一個笑話！」他否認跟大王不和，因對方沒有喜歡過車厘子，所以不存在爭女及不和，更爆大王一早有位漂亮女友。
此外，昨日有不少網民談論兆尊的3C女友，有人留言：「真愛一個就夠啦……仲要三個真愛」，亦有人將兆尊跟洗米華相提並論：「唔係人多就叫贏……人哋洗米華又係齊人，你又話齊人，唔止差天與地囉，仲要攞出嚟獻世。」
採訪：鍾國仁、唐琛悠
攝影：沈健程
場地提供：名廚
|
鍾意就快D Share啦！
|
|
|