張秀文黐家姐住窮剩$56.4做廳長
藝人辛酸不足為外人道，即使現已貴為無綫「咪神」的張秀文，亦曾經霉到銀行戶口只剩$56.4。做藝人收入不穩定，入行第七個年頭的她如今雖闖出名堂，但仍未儲夠錢買樓。她在無綫節目道出現今社會新一代為樓瘋狂，更自爆為了有瓦遮頭，不惜寄居家姐屋企屈膝瞓兒童床，甚至做廳長瞓梳化，認真坎坷。
現年29歲的張秀文，2010年當選港姐亞軍入行至今，年前憑34D上圍演出無綫旅遊節目《3日2夜》及遊戲節目《超強選擇1分鐘》打出名堂，之後更獲導演王晶睇中，成為新一代「晶女郎」。秀文幾乎每次出席活動都不吝嗇晒身材，目的是希望憑「咪神」之名搵銀，有名有利方可一洗之前霉爆生活。
收入少 唔使供強積金
秀文在無綫真人騷節目《有樓萬事足》道出時下新一代為樓瘋狂，生活在「納米之都」香港要為買樓所承受的壓力，作為香港一分子的她亦感同身受：「呢個社會好多憤青、多怨言，我都理解，香港咁細，住咁細面積，係會令人內心好壓抑。眼見樓價咁高，努力一生為層樓付出青春，好多人覺唔值得。」
秀文坦言做藝人都是打工，但收入不穩定，要儲錢買樓比打工仔更難。她自爆曾經試過霉到銀行戶口只剩$56.4：「藝人好似做好多活動搵好多錢，但我哋其實支出好多，唔似打工仔有固定收入可以儲錢，知道幾時達標。（有冇儲過錢？）有，即使儲到十萬，到拍劇可能有三、四個月冇機會做活動搵外快，或淡季冇乜收入，我就要靠之前儲埋嘅錢，搣搣吓嚟過活。」
秀文當選港姐後即加入無綫，開頭三、四年都要捱，人工約數千元，少到不用供強積金。她慨嘆做藝人又要買衫裝身，故試過借貸度日：「開頭幾年都係貼錢返工，捱到就嚟要借錢，去到最邊緣，銀行戶口剩番兩位數$56.4，最後連卡數都找唔到！貸款周轉兩、三個月都試過，到公司出糧就即刻找數。」
萬四蚊租400呎單位
不過秀文苦幹七年，終憑34D咪咪打響名堂，總算捱到有能力以14,000元租住將軍澳一個400多呎單位，雖然未有能力「上車」買樓，但秀文已經很開心有私人空間。她憶述當年從馬鞍山公屋搬出市區返工，生活成問題，冇錢租屋要寄居在姐姐家中：「以前一路住公屋，跟父母同住，每月千幾蚊租好舒服，以前覺得唔需要買樓。到人大咗，工作需要搬出嚟住，喺家姐度瞓，都係瞓佢個女間房張兒童床或者瞓梳化，唔夠長要屈埋雙腳嚟瞓。（慳得咁緊要？）係呀，嗰時搭的士都要儲錢！出鏡嘅衫裙，都係家姐幫我喺淘寶用一百幾十蚊買嚟出鏡用。」
文：影視組
|
鍾意就快D Share啦！
|
|
|