陳柏宇表示籌備婚禮事宜全部聽晒女友指示。
歌手陳柏宇（Jason）出席服裝品牌活動，他表示現跟未婚妻符曉薇（Leanne）忙於籌辦婚禮，婚期將定於2013年7月2日，場地未可透露。問屆時會筵開多少席宴請親友？他說：「場地容納到30幾圍。（算大搞！）唔知，因為我未搞過，不過親戚朋友加加埋埋真係有咁多。」又謂嘉賓名單仍在草擬中，暫時想於下午雞尾酒會宴請圈中人，但還未確定。
一班人去度蜜月
談及分兩日擺酒便可分開宴請圈內外朋友，他即耍手擰頭說：「分兩日就真係大搞喇，一日已經夠煩，唔好兩日（籌辦過程中有冇嗌交？）因為係女朋友話事，所以冇嗌交，我負責跟order辦事，我鍾意呢個模式，如果我有份話事，就希望意見會被接納，但呢個係唔可能發生嘅事，因為已經被人否決過，不過我冇所謂嘅，只要你話我聽想點，我就去做，大家開心，你畀我搞仲麻煩，我唔使諗咁多嘢。（婚後住邊？買咗樓？）邊有錢買樓，我冇買，租咋，加拿大得唔得？加拿大4,000呎都有，喺加拿大買層4,000呎嘅樓等同喺香港買層800、900呎嘅樓。」
Jason又透露希望婚後可立即造人生B，看來冇樓都可以有高潮！他說：「我哋都二人世界咗一年，佢想結婚前試吓先，話就話試，其實都冇得揀，已經決定咗。（去邊度蜜月？）未諗到，但未必兩個人去，一班人去，因為驚悶。（度蜜月都一班人？）佢講先，但我暗瓦底都有咁諗。」
來源 source: http://hk.on.cc
|
鍾意就快D Share啦！
|
|
|