熱爆娛樂: 「未婚夫」縮沙　陳雅倫出嫁撻 Q [壹週刊

2017年2月23日星期四

「未婚夫」縮沙　陳雅倫出嫁撻 Q [壹週刊 - 1407] __,陳雅倫,M1,

50歲的陳雅倫與細五年的吳彥祖表哥 Martin拍拖後，密密網上放閃。

娛頭

「未婚夫」縮沙　陳雅倫出嫁撻 Q

50歲的熟女陳雅倫（ Ellen），去年邂逅比她後生五年的吳彥祖表哥 Martin Wong，拍拖半年決定閃婚，以為標尾會，點知自從公開戀情後男方因為受到各方壓力，開始對婚事縮沙，甚至向身邊朋友坦言：「未到最後一刻，唔知結唔結得成婚！」

陳雅倫婚事有阻力，另一主因是 Martin跟前度女友仍有不少手尾未搞清楚！據知，他與前度原來已育有一子，要仔唔要乸的 Martin為爭兒子撫養權，不惜打官司！

男友嫌太高調

出道三十二年的陳雅倫，先後同過前無綫藝員陳庭威、音樂人黃尚偉、李思捷及洗米華等傳過緋聞，自稱冇正式拍拖十年的她，去年中經好友劉永健介紹，認識了吳彥祖的表哥 Martin Wong，姊弟戀發展三個月，陳雅倫即被對方求婚，準備做雞年新娘的她，更經常在網上公開放閃晒愛。

正當陳雅倫以為自己五十歲時可以嫁人，標到尾會！但原來二人的感情已出現暗湧。

自陳雅倫高調自爆拍拖及準備結婚後，有指 Martin為此有微言，兩人更多次發生拗撬。

上星期六（二月十八日），陳雅倫在社交網上發文否認放料，更以毒誓「全家死」來澄清自己寃枉，甚至聲言要將在男友身邊造遙生事的小人「碎屍萬段」，真係隔住個 mon，都感覺到她的憤怒。

上週四（ 16/2）晚，陳雅倫生日正日， Martin不但未有飛到北京陪女友，反而留港在自己有份投資的酒吧蒲到凌晨三點！

愛得火熱的陳雅倫早前同「未婚夫」當街親熱，由馬路嘴到入𨋢。

09年，有傳洗米華曾為陳雅倫與人動粗，之後二人秘密拍拖半年。

姊弟戀有前科的陳雅倫， 13年與「雜食王」李思捷在的士車廂激戰。

要仔唔要乸

收埋兩歲私生子

Martin同前度育有一子，要仔唔要乸的他不惜打官司爭兒子撫養權。

除此之外，還有一個更棘手的問題！據了解，在陳雅倫之前， Martin有一個要好的女朋友，兩人更未婚生子，現時年約兩歲幾。

「 Martin一向鍾意蒲，幾年前响蒲場經朋友介紹識咗前度，仲好快手就搞大咗人哋個肚；點知佢原來根本冇諗過同對方喺埋一齊，時至今日，佢仲有同啲朋友講，當年只係一時衝動，冇諗過會搞出「人命」。

「雖然 Martin唔係咁主張要個 BB，但個女仔照生。 Martin屋企人知道有個孫，不知幾高興，所以佢而家係要仔唔要乸，仲同前度爭緊撫養權。」 Martin身邊人透露。

生日吵大鑊

種種原因，令二人愈來愈多磨擦。陳雅倫講過，只要男友一有時間，便會飛北京陪她，愛得難捨難離，但上星期四（十六日），陳雅倫五十歲生日， Martin竟然沒有飛到北京陪女友過拍拖後首個大日子。

留港的 Martin當晚反而去了尖沙咀蒲吧，由晚上十時玩到凌晨三點，非常盡興。有消息指，當日二人曾在電話中吵大鑊。

20/2

一身運動打扮的 Martin獨自離開何文田寓所時，未有對是否育有一子作出回應。

對於「未婚夫」屈自己放料，陳雅倫在 facebook發千字文發洩，更以「死全家」毒誓澄清自己清白。

轉個頭，身在北京的陳雅倫忍唔住手又貼出與 Martin的貼面照，並留言「對的人都是磨合出來的」，力證二人情不變。

酒後吐真言

事實上，自從 Martin向陳雅倫求婚成功，並準備今年結婚的消息被爆出後，有不少身邊朋友都走去恭喜他做「老襯」，不過， Martin對友人祝賀，反應卻與陳雅倫所形容的大有出入。

「有晚 Martin出去蒲，好多人見到佢就同佢講恭喜，但佢冇多謝不特止，仲當場黑晒面話：『你哋唔係信吖？到時睇吓點！』搞到在場啲人 O晒嘴，仲話佢飲大咗，不過，應該係酒後吐真言囉！

「 Martin仲同人講，根本連結婚戒指都冇買過，結婚嘅嘢亦十畫未有一撇，咁快俾人擺晒上枱講，佢都覺得怪。」 Martin身邊人說。

本週一（二十日），本刊記者當面向 Martin了解他有個兒子的事，戴超運動 look打扮的他充耳不聞，問到陳雅倫是否知情時， Martin只說了句「 thank you」便匆匆離開。

至於身在北京的準新娘陳雅倫，一聽到是記者來電，便立刻掛線。