劉嘉玲（右）話時間會可以解決一切。
藝人劉嘉玲出席活動，透露丈夫梁朝偉近日學畫油畫，大讚他天分高。問到老公有沒有畫她？她笑說：「冇，畫我好高難度。（咁佢第一幅作品係咪送畀你？ ）已經送咗啦，係為一棵樹，佢搵咗英國皇室御用老師教，跟咗去寫生，學咗兩三日，其實佢一路都想試，幅畫係無價寶。」
女人當自強
談及今天是三八婦女節，嘉玲自言是「working womam」的人辦，認為女人應該要有自己工作，不要求人家保護及愛錫自己，女人應當自強，她說：「呢個世界對女人始終有啲偏見，一啲唔好嘅評論都係對女人。 （例如呢？ ）好多爭拗同謠傳都係來自女人口中講女人，其實女人應該愛護女人，呢啲都係出於妒忌心。（最近聽到是非？）都會有，每日都會存在。（咁你點處理？）我依家心臟已經好強壯，以前聽到會唔舒服，依家唔會，加上依家社交平台咁廣泛，不過呢啲都係好正常，咁樣會更加督促到自己做得更加好，鞭策你向前嘅動力。 （咁你會唔會好hurt？）唔會，反而我會喺另一個角度睇自己，可能自己真係有咁嘅問題，人冇可能係完美！」
了解關之琳心情
早前她被關之琳指責與前夫陳泰銘行山是不顧及別人感受的行為，逐問她是否仍介意？她續說：「我了解佢嘅心情，唔會介意。 （你哋可唔可以做番朋友？）咁要睇佢，但我相信時間可以解決一切。」此外，提到賭王何鴻燊千金何超鳳離婚一事？嘉玲認為離婚沒有大不了，倘若能找到更開心和自在的出口，未嘗不是好事。
來源 source: http://hk.on.cc
|
鍾意就快D Share啦！
|
|
|