走得快好世界……
藝人陳雅倫與男友兼吳彥祖表哥Martin「閃分」，除鬧爆對方背住自己攬女及大話連篇，陳雅倫又直認對方身上花了不少錢，連十多萬的電話號碼也不手軟，亦買不少名牌給對方，她說：「同我拍拖嘅男人我都肯使錢，佢係冇錢冇權，但佢靚仔，我就母愛心態，呵護佢，所以咩都買畀佢！十幾萬嘅電話號碼我都買畀佢，電話費我交埋冇所謂，就算分咗手都冇諗過問佢拎番！」
分手主因：成日做失蹤人口
最令陳雅倫忍無可忍講分手，是因為對方經常失蹤，最近一星期的事令她決定分手，她透露是昨日與對方在微信講分手，她表示：「我之前去大陸做完嘢返香港，佢話嚟接我但失蹤，事後就解釋怕畀人影到，所以去到一半就番轉頭。第二日又話病咗，之後就咳足六日，又話啲藥好勁要瞓，聽唔到電話又唔畀我去探佢，梗係啦，我去探佢咪講唔到電話同出街！仲好笑呀，第七日約我出嚟又係失蹤，話自己吐血入醫院喎！問佢攞入院紙，佢拎唔出，仲發脾氣！」
拒絕再聯絡
她直言今次心死，正式向對方講分手，更寸對方說：「尋日同佢講分手，今日就見到佢同陳惠敏個女玩得咁開心，咁忙原來就係去玩去蒲！（佢哋有路？）我唔理呢啲嘢」又指對方今日再傳訊息扮冇事問候她，她就叫對方不要拖住自己、亦以後不要再聯絡她。
來源 source: http://hk.on.cc
|
鍾意就快D Share啦！
|
|
|