網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月8日 星期三

兆尊三姝一齊病冇交嗌 __,兆尊,鄧兆尊,

鄧兆尊坦言唔靚仔又冇錢,能與三女友和平共處都是「機緣巧合」。
兆尊三姝一齊病冇交嗌鄧兆尊一拖三女友成為「港版Johnny嗒」,不少人均好奇為何三女共侍一男可以相安無事?日前兆尊大談「御女秘笈」,原來緣於「兩個喪禮 ...


兆尊三姝一齊病冇交嗌

鄧兆尊一拖三女友成為「港版Johnny嗒」,不少人均好奇為何三女共侍一男可以相安無事?日前兆尊大談「御女秘笈」,原來緣於「兩個喪禮一間醫院」,令「三姝」由原本應該敵對的關係變為好友!不少網友認為三女因為「錢」才愛兆尊,他斷然否認,強調靠「抵得諗」性格,令三個女人心甘情願分享一個男人!

秘笈1 四人行睇醫生

已故慈善伶王新馬師曾長子鄧兆尊雖然年屆50,但依然魅力非凡,近年一拖三女友Carmen、車厘子及Claire,掀起城中熱話。最令人嘖嘖稱奇之處,是三個女人竟然可以不時「四人行」周圍去,如此和平共處,令這段四角關係更添玄妙。鄧兆尊日前接受專訪,提到「四人行」一事,他自爆原來三位女友正式見面的時間於半年前,相見的地點不是餐廳食肆,而是一間醫院!他表示:「因為半年之前,佢哋咁啱三個都病咗,仲要去埋同一間醫院,佢哋都要搵我陪,咪一個醫生睇晒佢。」

「嗰次見面幾感動」

三個女友第一次見面,沒有如電視劇般一言不合而大打出手,反而非常好傾,全因她們早經兆尊訓練。他說:「其實咁多年都知道大家嘅存在,都會透過我去問候大家。我亦開咗個電話群組畀佢哋,等佢哋三個自己去溝通。大家雖然一直有溝通,但未曾見過面,所以嗰次見面都幾感動。(佢哋三個第一次見有乜反應?)冇乜嘢,有傾有講,當然事前我有問過佢哋一齊睇醫生好唔好嘅,佢哋都OK。其實呢啲事換轉大家係廿幾卅歲就真係冇乜可能!依家大家都有一定年紀,唔會咁執着。」

能夠與三女友和平共處,兆尊認為全靠他「抵得諗」的性格。
  • 能夠與三女友和平共處,兆尊認為全靠他「抵得諗」的性格。
Carmen(右)與車厘子去年曾與鄧兆尊一齊睇演唱會。
  • Carmen(右)與車厘子去年曾與鄧兆尊一齊睇演唱會。
鄧兆尊笑言試過一星期去四次殯儀館:「職員都忍唔住問又係你?」
  • 鄧兆尊笑言試過一星期去四次殯儀館:「職員都忍唔住問又係你?」
鄧兆尊
  • 鄧兆尊

秘笈2 一星期兩個葬禮

雖然享盡齊人之福,但兆尊不認為是好事,他們都是在很多「巧合」下才走到這個地步。對於有指「大婆」Carmen不滿「三奶」Claire太高調,經常與兆尊周圍去,兆尊即否認:「錯!冇呢啲嘢,冇人捉我周圍去!佢(Claire)帶個犯(兆尊)去剪草啫!影到第四個新面孔先會嬲嘅啫。」

殯儀館職員:又係你?

兆尊更爆出原來Carmen與Claire早前曾在同一星期經歷喪親之痛,雖然當時兩女未有見面,但亦透過兆尊互相安慰,令大家更清楚對方情況:「好多嘢都真係好巧合,佢哋(Carmen、Claire)嘅親人喺同一個星期離開,喪禮亦喺同一個星期、同一間殯儀館度搞,我就一個星期裏面去咗嗰間殯儀館四日,連職員都忍唔住問咗我一句:『又係你?』」

對於有些網友指三女因為錢才與兆尊一起,他斷然否認:「冇可能,我都冇錢!如果一定要講原因,我勉強講可能係我嘅性格,因為我永遠都係諗咗人哋先,亦可能佢哋搵唔到一個比我更好。」

「大婆」曾有第三者

三位女友性格各有不同,每人與兆尊有不同的經歷。他指Carmen曾經因有第三者而離開,最後因第三者沒向Carmen兌現某些承諾,令Carmen「受創」回頭,即使當時兆尊已與「二奶」車厘子一起。

「二奶」虎頭蛇尾

兆尊指車厘子個性喜歡出頭,但因為沒有耐性,很多時都「虎頭蛇尾」,要他好好教導。除此之外,車厘子很喜歡增值自己,早年學過韓語的她,近年更迷上韓國天團Big Bang,想學跳Big Bang舞,兆尊更曾示範跳給車厘子看,令她拍案叫絕,果然情人眼裏出西施。

「三奶」有特殊能力

至於Claire則具有異於常人的能力,可以看到別人看不到的東西,她曾向兆尊透露看到他身邊有一些東西,給兆尊幾個人的電話號碼,指這些人可以幫他,最後成功解決疑難,令兆尊深信Claire具有一些特殊能力。

場地:銀次日本料理(尖沙咀)

文:影視組


鍾意就快D Share啦!