欣宜賺少百萬撐秋官
藝人鄭少秋（秋官）將舉行個唱慶祝入行50周年，封父親為偶像的欣宜為撐老竇，出盡辦法度期，更犧牲近七位數字工作合約酬勞，成全自己這個父女同台心願。秋官雖戥女兒肉赤，但亦感動得滿懷安慰。
入行50年的藝人鄭少秋，將於5月28、29兩日舉行《鄭少秋半世紀．大時代》世界巡迴演唱會，嘉賓除了一眾拍檔和曾經合演無綫劇《大時代》的「蟹仔」邵仲衡、陶大宇和郭政鴻外，最特別要數曾表示因工作而未能出席的女兒鄭欣宜，最後亦努力度期演出。欣宜曾為「撞期」而感遺憾，還苦笑謂只好等父親慶祝60周年時才撐場。不過，向來視秋官為偶像的她，為撐父親可算大犧牲，據消息人士透露，欣宜為成全今次與父親同台獻唱的心願，不惜推掉七位數字的工作合約酬勞，當中包括兩個內地商演，才順利騰出檔期參與秋官這次別具意義的紀念個唱。
唔想錯過紀念時刻
秋官與欣宜難得父女同台，無論在公在私，對兩父女而言都很珍惜，欣宜接受訪問時說：「本應喺嗰段時間有工作，原定係去唔到（秋官個唱），但經過深思熟慮，覺得唔可以錯過爸爸50周年咁值得紀念嘅時刻，好想參與其中支持爸爸，所以同公司商量，公司亦好支持！（推咗幾多工作？）部分有啲就調動過。（損失七位數？）唔好講」而欣宜所屬公司的老闆蕭定一昨日受訪，對公司之損失，他並不介意：「梗係支持欣宜呢個舉動啦，秋官50周年演唱會，難得阿女有機會做嘉賓，當然比搵錢重要。」
被封「K-POP始祖」
至於秋官，當得悉欣宜犧牲七位數都要力撐，他大為感動說：「真係好肉赤！不過我都好感動，個女好有誠意。因為之前好多人都覺我哋唔能夠父女同台總有啲遺憾，後來欣宜打電話畀我話點都要嚟，原來佢有呢個諗法！到時『女神』出現喺我演唱會，當然會有特別安排（你有快歌《香港料理》可算K-POP始祖？）有幸被封為K-POP始祖都開心，咁我都忙練舞，又隔日練氣做帶氧運動，舞蹈方面都會精心設計！」
文：影視組
|
鍾意就快D Share啦！
|
|
|