網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年4月14日 星期五

欣宜推7位數撐開騷 秋官:肉赤但感動 __,秋官,欣宜,鄭少秋,

令人期待呀!入行50年的藝人鄭少秋,將於五月二十八、二十九日舉行《鄭少秋半世紀.大時代》世界巡迴演唱會,個唱嘉賓除了一眾秋官的拍檔,和曾經演出無綫劇《 ...


令人期待呀!

入行50年的藝人鄭少秋,將於五月二十八、二十九日舉行《鄭少秋半世紀.大時代》世界巡迴演唱會,個唱嘉賓除了一眾秋官的拍檔,和曾經演出無綫劇《大時代》的「蟹仔」如邵仲衡、陶大宇和郭政鴻外,最特別的嘉賓,要數曾明言因工作而未能出席的鄭欣宜,她為此而感到遺憾,還苦笑謂只好等秋官慶祝60年時才撐場。不過,唔做又做的欣宜,一向視秋官為偶像,她為撐老竇,可算大犧牲,據消息人士方透露,欣宜不惜推掉七位數字的工作合約酬勞,當中包括兩內地商演和將工作調動延期,來成全心願,才順利出席五月底舉行的秋官慶祝入行50年之個唱,絕對誠意十足!

蕭定一都撐

秋官與欣宜父女碰面,無論在公在私,對他倆而言都很珍惜,眼見老竇舉行50年個唱,作為女兒兼最近在樂壇闖出成績而被廣大樂迷認同,實在很應該出席支持。欣宜接受訪問表示:「本應喺嗰段時間有工作,原定係去唔到,但經過深思熟慮,覺得唔可以錯過爸爸50周年咁值得紀念嘅時刻,佢自己都好想參與其中支持爸爸,所以同公司商量之後,公司亦好支持!(將幾多工作推咗?)部份啦,有啲就調動過。(推工作損失七位數字?)唔好講」不過,作為欣宜公司的老闆蕭定一受訪時,對公司之損失,他不介意兼給予支持:「我梗係支持欣宜呢個舉動啦,秋官難得50周年演唱會,阿女有機會做嘉賓,當然比搵錢重要。」

忙住練舞

至於秋官,他聞得欣宜犧牲七位數都要力撐而大為感動,他受訪稱:「真係好肉赤!不過,我都好感動,個女好有誠意!因為之前好多人都覺我哋唔能夠父女同台總有點缺憾,後來欣宜打電話畀我話點都要嚟,原來佢有呢個諗法!到時『女神』出現我演唱會,當然會有特別安排(你有快歌《香港製造》可算K POP 始祖?)有幸被封為K POP始祖都開心,咁我都忙練舞,又隔日練氣做帶氧運動,當然舞蹈方面會精心設計!」


來源 source: http://hk.on.cc
鍾意就快D Share啦!