五十歲的劉玉翠，首度公開 keep得唔錯的身材，型味十足，證明心境年輕，半百可以未見老態。
探熱針
被撩影裸照寫真 激罕師奶變型姐 半百劉玉翠性感冇限耆
自稱係西貢師奶的劉玉翠近日忽然一招性感突襲，加上「襟老」外形，五十歲師奶一樣型得起。
唔好睇小半百劉玉翠的魅力！冇 D cup身材，仍有專業攝影師主動敲門，找她影裸照寫真，不過心口未勇到呢個境界，劉玉翠說：「多謝佢睇得起我。」
越南影寫真
入行廿七年，一直守身如玉的劉玉翠，選擇在五十歲「高齡」首度公開三點式，童顏冇巨乳，雖沒 CDE級澎湃，但勝在健康自然，熟婦式性感，一樣有 S形線條。
呢鋪半百激罕，劉玉翠在越南拍攝，由家姐及姨甥女操刀，性感照後冇任何後路鋪排。在地球另一角落行性感，五十歲劉玉翠有原因。「呢次同兩個家姐及姨甥女去旅行，佢哋一見我著三點，都舉腳贊成影番輯相。其實我好貪靚，只係過往我演嘅角色唔係師奶就係搞笑，冇機會俾我靚吓。其實我想影健康性感相好耐，以前我比較多顧慮，怕人家唔知點睇我，錯過咗影呢啲相最靚嘅時光。」她說。
年齡只係一個數字
破格性感，半世人最勇猛之作。劉玉翠說：「年紀愈大，愈嚟愈覺得年齡只係一個數字，唔代表你老，或好多限制，反而內心多咗份自由，我要活出精彩嘅人生下半場，所以性感冇限耆，不過係耆英個耆，哈哈！
「唔影響人之下想做就做，令自己靚啲冇錯㗎，所以一路將自己扮靚啲，開始 keep fit，花咗一年時間減磅。泳裝 look公開，事前有問過男友意見，佢話：『件事係靚，做』。」
邀影裸照有心動
更加估唔到，半百劉玉翠有市場！其 body除男友識欣賞，前年更有攝影師敲門邀她拍攝裸照放影展。「我做完《我是演說家》，有日一個幫過 artist影相嘅專業攝影師 Facebook私訊我，問我接唔接受到影裸照，雖然嗰刻真係有少少心動，裸照唔一定暴露，都可以有美感，但最後都係過唔到自己嗰關就推咗，不過我都多謝佢咁睇得起我。」劉玉翠說。
愛破格•屢創先河
忽然性感，半百劉玉翠夠突破！事實上，她向來愛破格，屢創娛樂圈先河。
首創 連奪新人女配
90年入行拍處女電影《廟街皇后》，創紀錄憑該片連奪金像獎「最佳女配角」和「最佳新人獎」兩項殊榮，前無古人。
患抑鬱症想轉行
03年拍處境喜劇《皆大歡喜》，諷刺地卻處理不了自己的情緒，患上抑鬱症，更試過驚恐突襲。劉玉翠坦言當時覺得供樓壓力很大，加上自覺怎樣拼命，事業也沒有突破。
「我羨慕、嫉妒、害怕、憤怒，然後抗拒演戲，最後得了抑鬱症。」她說。經過兩年治療，她才康復，一度想轉行的她，心結解開後，明白自己是演員，不是明星，責任就是把戲演好，享受每一次開工的氣氛，因而再次對演戲有熱誠。
勇猛熟婦
除劉玉翠外，也有其他圈中熟婦，在年約半百時仍不甘平淡，為自己帶來突破。勇猛非常，令人佩服！
51歲羅霖
凍齡美魔女羅霖樣貌身材仍然大把貨，前年出寫真弗過𡃁模，現在短褲少女 look亦絕不趕客。難怪細她 20年的內地富二代男友王嶠癡心情長劍，誓要娶她入門，羅霖話會開始跟他計劃人生大事，不抗拒再婚。
撰文、攝影、攝錄：娛樂組
|
鍾意就快D Share啦！
|
|
|