熱爆娛樂: 放棄做演員　倪晨曦年賺過百萬　 [壹週刊

2017年9月21日星期四

放棄做演員　倪晨曦年賺過百萬　 [壹週刊 - 1437] __,倪晨曦,M1,

探熱針

放棄做演員　倪晨曦年賺過百萬　

05年多倫多華裔小姐冠軍倪晨曦（ Elva），在娛圈等足九年無起色， 14年決心放棄做演員轉做 KOL，由拍片、剪片學起，到現在擁有自己的工作室，分享扮靚心得和旅遊經驗，並攞正牌教埋瑜伽，短短三年 IG超過 50萬粉絲，被網民稱為 KOL教主，收入三級跳年賺過百萬，比起以前等運到，她說：「而家賺多好多。」

KOL教主工作室首曝光

Elva工作室約一千呎，位於柴灣工廈，由設計到搵傢俬都由她一手一腳搞掂。

她說這幅白磚牆手工最貴，因為要用人手一塊一塊砌上去。

Elva說每天工作不離扮靚、旅遊和瑜伽，暫時充滿她整個生活。

經營三年，她的 IG人數突破五十萬，被封為 KOL教主。

她考獲瑜伽牌後，除開班教授外，又會在網上大騷靈活身手。

等足九年

倪晨曦○六年來港發展一心想做演員，不單演出機會不多，就連緋聞男友也只得黃宗澤，以及合作過電影《溝女不離三兄弟》的沈震軒，等足九年，在三年前終於心死唔撈娛樂圈轉做 KOL，反而闖出一片天。

「決心做 KOL，都猶豫咗好耐，係媽咪一番說話啟發我，佢叫我問自己係咪 ready做演員，如果係就落功夫去學。如果唔係，就用而家識嘅嘢去發揮。咁多年一直等機會，又好似冇咩做到出嚟。自己諗吓，不如攞返主動權，於是客串完《小姐誘心》就冇拍戲。」 Elva說。

三倍收入

開始做 KOL， Elva學埋拍片剪片，現在有八個網上平台，工作室僱有兩個員工，主攻美妝、旅遊同瑜伽三個範疇，其中 ig粉絲超過五十萬，拋離不少較她早出道的 KOL，最近以 KOL身份獲品牌邀請到倫敦睇時裝騷，為即將出街的工作提早完成，這個月幾乎每日在新裝修的千呎工作室踩到凌晨才離開。

Elva自言計過數才開公司，她說：「一年收入過七位數，每月雖然收入唔固定，不過要 run呢個 business，基本使費每月要六位數，而家收入係以前三倍，賺多好多。」