求助發爛渣？？曾華倩：人在做天在看
有網友昨日表示目睹藝人曾華倩於機場要求職員替她入禁區取回銀包而「發爛渣」，網友更以粗言及侮辱性詞語來攻擊曾華倩，並將貼文私訊給她。事件曝光，大部分網友留言力撐華倩，華倩亦沒好氣回應：「我冇發爛渣，只係好焦急，人在做天在看！」
藝人曾華倩向來支持兒子林浩賢出戰游泳比賽，昨日囝囝要到外地進行游泳比賽，華倩晨早送他到機場，豈料囝囝入了禁區後15分鐘，華倩才發現自己的銀包留於囝囝袋裏，雖然二人仍聯絡到，但囝囝已過關，拿不到銀包給她，故當時華倩相當焦急，情急下更向地勤、機場工作人員及警方求助，但最後華倩的銀包亦未能取回。
事後有人於社交網貼文，指華倩於機場周圍發爛渣要取回銀包，貼文更夾雜粗言及攻擊性字眼。不過，網友看完後大部分都力撐華倩，留言指：「情急之下咁都好正常。」亦有人體諒謂：「一個女人仔，個銀包入面又身份證、信用卡、八達通，分分鐘連車都無法開離停車場，大人有大量」但貼文者不收手，再留言說：「好簡單，搞到我遲收工……」令人估計貼文者是機場工作人員。
澄清只係焦急
記者昨日聯絡華倩，她否認於機場「發爛渣」，她說：「個仔入咗禁區15分鐘後，先發現銀包留咗喺囝囝度，我曾經向地勤人員求助，試吓有乜嘢方法可以拎番銀包，當時都有地勤職員想幫我，不過另一個高級職員就出嚟話唔得！冇呢啲服務，如果要拎番出嚟，機票會取消，佢嘅態度好差、黑晒面，根本就冇嘗試諗辦法幫忙。（網民話你命令地勤職員？）我冇發爛渣，人在做天在看，自己當時只係焦急，因為我未遇過呢個情況，當時唔知點，相信每個遇上呢啲事都係咁，今時今日呢個服務態度真係唔得，其實佢係咪要自我檢討吓呢！」
華倩表示曾向警察及機場職員求助，獲有關方面友善回覆，她說：「有警察試過幫我聯絡禁區嘅同事，但佢哋回應係唔可以咁做，警察態度係好友善嘅，而協助出境嘅機場職員都好幫手，嘗試搵方法幫我，雖然最終銀包攞唔番，但我都好多謝佢哋。」
失魂事件多籮籮
問到華倩會否對該航空公司職員作出投訴時，她說：「唔之後我都約咗個朋友喺機場飲嘢，我都話算喇！咪等個仔一星期後返嚟先囉！」華倩坦言對這次漏低銀包事件會作自我檢討，其實她以前都曾發生不少烏龍事，一次她與好友吳君如往搭飛機，因隨身袋住的貴價潤膚霜容量超過規限，機場保安表示要沒收，她即與君如齊齊猛搽，搽剩三分之一才安樂。她亦曾分享，昔日錄影《歡樂今宵》的烏龍事，笑言曾換錯衫、發台瘟。
文：影視組
|
鍾意就快D Share啦！
|
|
|