王浩信與蔡思貝（大圓圖）因拍劇傳出緋聞，令太太陳自瑤（小圓圖）擔心影響到囡囡。
藝人王浩信以大使身份在荃灣出席慈善活動， 近日緋聞纏身的他，早前與太太陳自瑤齊齊出活動闢謠，不過陳自瑤就被指「發雌威」鞏固地位，又落力搵「小三」！
王浩信對自己再度成為新聞人物而感到驚訝，他說：「唔知喎！又做（封面）呀？大家畀啲空間我屋企」被問可會擔心報道令太太陳自瑤由不擔心變成擔心？他直言二人一直相安無事，反而是朋友會擔心，至於太太是否選擇不看報道？ 他說：「係冇時間睇，依家主要係搞個女嘅學業為主。（驚影響囡囡？）梗係驚啦，我最擔心呀！啲同學仔細個唔識嘢會亂講。（最驚呢樣嘢？）我哋兩公婆最擔心就係呢樣嘢。（有冇向佢解釋？）佢依家仲細，都未影響到佢！」
攞視帝唔係最大嘅目標
問劇集《踩過界》飾演的「盲俠」是否為他帶來「商機」？他直認有，但希望劇集帶動角色之餘亦可參加慈善活動。談到其fans club捐款，他說：「其實就係之前《踩過界》加fans club聚會，叫fans將買禮物嘅錢捐出去，就係嗰次活動畀人影到話我同蔡思貝有嘢，其實嗰日監製都喺度！」
談到成為新聞人物，可會令他今年成為奪視帝的大熱？他笑謂：「希望大家高抬貴手啦，唔好影響我屋企，攞視帝唔係我最大嘅target，遇到好嘅角色同觀眾支持已經當攞咗！」
來源 source: http://hk.on.cc
|
鍾意就快D Share啦！
|
|
|