掃呢頁CODE去手機

2017年11月1日 星期三

【準外母好頭痕】冇腳雀仔終於停? 林珊珊細女30歲前嫁崔建邦 __,珊珊,崔建邦,林珊珊,

被冠以「世紀賤男」嘅崔建邦,近年不斷洗底,原來除咗係事業上不斷向上爬,感情上佢亦都有所改變。今日就有報道話佢有意同林珊珊嘅細女李怡(野人)結婚。Ami ...




被冠以「世紀賤男」嘅崔建邦,近年不斷洗底,原來除咗係事業上不斷向上爬,感情上佢亦都有所改變。今日就有報道話佢有意同林珊珊嘅細女李怡(野人)結婚。

Amigo去年初同野人撻着後,好快佢哋已經喺飛鵝山同居,今年7月,有讀者更向《蘋果》爆相爆片,話見到佢哋兩個喺將軍澳廣場嘅吉野家買飯,男嘅排隊俾錢,之後再到隔鄰嘅吉之島買日用品同零食。佢哋只係喺吉野家買咗一盒飯兩份食,真係好sweet,但Amigo回覆傳媒時就咁話:「唉吔!咁我窮冇錢嘛,第二時有錢咪買多啲囉!」( 新聞連結:http://bit.ly/2h1dLRO )

雖然Amigo口中話自己窮,但今日就有報道話原來佢哋已經有結婚計劃喇,真係恭喜晒!

報道入面,講到野人身邊好友透露,於單親家庭長大嘅野人,並未因為咁而害怕婚姻,相反佢仲一直好想有自己嘅家庭,好想結婚生仔,而Amigo就捉到女方呢個心態,追野人時已經表明自己已經玩夠,好快野人仲應承同Amigo同居試婚。野人身邊好友仲話,Amigo同佢哋講今次係認真嘅,因為野人俾到佢前所未有嘅感覺,認定野人就係佢嘅唯一,所以想喺野人30歲前就同佢結婚。

咦!野人今年已經28歲,咁幾係仲有年多時間俾佢哋籌備,珊珊好快就做人外母喇!報道就話呢位「外母」明顯唔係好鍾意呢位未來女婿,就算拍拖年多,野人都唔會帶Amigo出席家庭聚會,相反家姐李澄(西瓜)就不時帶同DJ男友出席家庭聚會。珊珊當初見女大女世界,阻止唔到野人同Amigo拍拖,只希望時間可令阿女清楚了解Amigo,但佢想唔到阿女會同Amigo會有結婚打算,精明嘅珊珊o依家唯有向佢身邊朋友下苦功,勸下野人唔好一時衝動做錯決定。

更多娛聞,喺晒《娛果》

http://fb.com/appledailyent

崔建邦有意喺野人30歲前同佢結婚。(資料圖片) 野人之前幫家姐西瓜準備咗驚喜生日,就係叫埋爸爸李啟淦一齊慶祝。(資料圖片) 西瓜同野人(資料圖片)
(資料圖片) 林珊珊好擔心細女會揀錯。(資料圖片) 野人知媽咪對崔建邦有微言,所以都冇帶佢出席家庭聚會。(資料圖片)
(資料圖片) 崔建邦(資料圖片)

鍾意就快D Share啦!