掃呢頁CODE去手機

2017年11月1日 星期三

森美給力!黎貝卡定目標食盡澳門米芝蓮餐廳 __,森美,

睇到都想去番轉澳門玩呀!第七屆澳門購物節將於12月3日至31日舉行,傾力打造「嘆購」全城購物盛事,為隆重其事,昨日在澳門永利皇宮酒店舉行《第七屆澳門購 ...


睇到都想去番轉澳門玩呀!


第七屆澳門購物節將於12月3日至31日舉行,傾力打造「嘆購」全城購物盛事,為隆重其事,昨日在澳門永利皇宮酒店舉行《第七屆澳門購物節》新聞發布會,由澳門特別行政區政府旅遊局局長文綺華、經濟局局長戴建業、「第七屆澳門購物節」籌備委員會主席蕭婉儀、副主席葉榮發及購物節大使黎貝卡主持啟動儀式。

黎貝卡成購物節形象大使

擁有逾三百萬微博及微信粉絲,是內地最有影響力的時尚博主之一的黎貝卡(Becky)以形象大使身份出席,提到與澳門的淵源,她說:「因為我住喺廣州,所以經常會嚟澳門玩,我曾經喺網上寫過一篇文章關於遊澳門吃喝玩樂嘅攻略,冇諗過一直到依家都好多人會跟住我嘅文章去澳門玩,有網民仲留言澳門應該要請你做旅遊大使,估唔到成真。」

短途Trip濠江最啱港人

而今次購物節的活動亮點之一是將於12月15至25日在澳門壹號廣塲外海濱長廊舉辦的「精美澳門@壹號廣塲」,雲集由當地品牌及中小企業商戶組成約50個展銷攤位,並首度推動全面電子消費,包括設置澳門通、支付寶、信用卡及微信支付的終端機。Becky坦言對此非常期待,她說:「其實澳門除咗大型商場外,仲有好多古着店同本土設計嘅小店,都好值得一睇。我以前因爲工作嘅關係,經常會嚟澳門,但一般做完嘢就走,後來自己嚟澳門玩,有本地朋友帶我去一啲本土小店買嘢同食嘢,令我對澳門有唔同印象,我覺得澳門係一個好悠閒嘅地方,好多朋友問我有咩短途旅行地方介紹,我都會同人推薦澳門。」

Becky又指早前才得知澳門有19間米芝蓮餐廳,她給自己定下小目標:「我希望今年內試晒咁多間餐廳,我暫時已經試過7、8間。」另外,Becky更為今次活動而設計了兩款絲巾以及四款明信片,絲巾以澳門購物節的地圖為靈感,她稱由構思到設計約花了一個月完成。

唔使帶護照都去得最方便

同場藝人森美擔任大會司儀,他自爆家中的仿古董傢俬也是由澳門購買,他又指不時會一家人到遊澳門:「呢邊嘅酒店設施配套好好,又好多騷睇,節目老少咸宜。以前小朋友細嘅時候,我哋一家四口去旅行就會屈蛇,一間雙人房住四個人,但去澳門多數有人請,咁房間好大,小朋友就好開心。」森美自言遊澳門好處是不用帶護照,他記得多年前試過跟父母及電台拍檔阮小儀到泰國旅行,但出發當天才發現護照不翼而飛,最後他與父母到泰國不成,改到澳門玩。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!