掃呢頁CODE去手機

2017年11月1日 星期三

【Mandy再誕女】估你唔到 洗米華噚日為洗米嫂慶祝生日! __,洗米華,Mandy Lieu,Mandy,陳慧玲,洗米嫂,周焯華,

太陽娛樂文化老闆周焯華(洗米華)周旋於正印陳慧玲(Heidi)與女友MandyLieu之間外,今年又多咗一個日模松岡李那同佢傳出緋聞,走馬燈一樣,忙得 ...




太陽娛樂文化老闆周焯華(洗米華)周旋於正印陳慧玲(Heidi)與女友Mandy Lieu之間外,今年又多咗一個日模松岡李那同佢傳出緋聞,走馬燈一樣,忙得不可開交,結果仲搞到老婆要同佢離婚,但佢一直唔答應,用咗一年時間,先至氹掂洗米嫂放棄離婚。

但長篇連續劇嘅嘢,又點會咁易完。洗米華同Mandy足跡遍全球,而且仲非常勤力,Mandy先後為洗米華誕下一女一子,今日又上封面,稱Mandy原來喺今年九月再為洗米華誕下一女,四年抱三。

而咁啱,今日係洗米嫂37歲生日正日,瞓醒就收到呢份「驚喜」,真係要EQ好高先至handle到。

咁洗米華去咗邊呢?佢唔係喺英國,而係澳門,剛為洗米嫂預祝生日,仲開咗個萬聖節反串生日會,出席嘅人男要扮女,女就扮男,所以洗米嫂同細女都著晒西裝扮型男,洗米華就扮番洗米華,攞住部手機滿場飛幫老婆同仔女影相。

曾經貼post全家福話「一家人永遠愛你!齊齊整整,光明正大!」嘅洗米嫂,亦都有微信貼圖分享噚晚呢個family party,但只限與朋友分享。



洗米華噚日為正印陳慧玲慶祝生日。

洗米嫂反串男裝,其實幾型。






鍾意就快D Share啦!