掃呢頁CODE去手機

2018年3月8日 星期四

鄰居長期滋擾大肚葉翠翠報警:搞到我有焦慮症 [壹週刊 - 1461 - 生活] __,翠翠,葉翠翠,M1,

探熱針鄰居長期滋擾大肚葉翠翠報警:搞到我有焦慮症二月初,懷有五個月身孕的葉翠翠忍唔住在Facebook發火,大爆過去一年遭樓上鄰居噪音滋擾,最初找管理 ...






探熱針

鄰居長期滋擾大肚葉翠翠報警:搞到我有焦慮症

二月初,懷有五個月身孕的葉翠翠忍唔住在 Facebook發火,大爆過去一年遭樓上鄰居噪音滋擾,最初找管理員幫忙傳話,以為對方會顧及大肚婆和小孩,停止清早發出噪音,不過對方未見改善兼變本加厲,投訴無門,她惟有報警求助:「呢件事搞到我有焦慮症。」







葉翠翠指心痛小王子每朝被嘈醒,做母親的卻無能為力,更希望有兩女的鄰居能體諒。





十個月大的小王子每早八點被鄰居噪音嘈醒。

愈佗愈瘦

近年備受鄰居噪音滋擾的葉翠翠,由最初啞忍希望以和為貴,到近日忍無可忍要報警求助,有五個月身孕的她,更因事件未能解決,情緒低落,這個月不單未有增磅,反而輕了數磅。

上週四(三月一日)下午五時許,佗住五個月肚的葉翠翠揸車到屋企附近超市入貨,對於報警求助一事,她承認:「其實呢件事已經係年幾前開始,管理員一直盡力幫我同佢哋溝通,但最後鄰居反指俾我騷擾,管理員同我講:『無辦法喇葉小姐,因為樓上都叫你唔好再騷擾佢哋,都無嘢再幫到你。』我唔想再煩其他人,自己又頂唔順,惟有報警。我都有搵律師問意見,亦都有人叫我搵環保署幫手,但因為自己有咗 BB,同埋之前跟管理員搵過樓上鄰居商量,佢哋唔認嗰段時間有人發出噪音,到警察上去同佢哋溝通,佢哋又承認嗰段時間有人喺屋企做緊嘢,所以搞到我好混亂。」





上月初葉翠翠指被鄰居噪音騷擾,網民替她抱不平,並人肉大起底。





一個人在超市入貨,葉翠翠表現得無精打采。

警方出告票

報警求助後,她指只要找到一個第三方證人,證明受噪音滋擾,警方便可以向對方發出告票。這年多來一家人受到困擾,她愈說愈激動,忍着淚表示:「其實報警之後,朝早都係繼續有發出聲浪,小朋友無辦法再瞓覺,一味喊,因為我情緒唔係好穩定,佢喺度喊,工人又放咗假,老公又唔喺屋企,搞到我情緒更加唔穩定,仲試過攬住小朋友一齊喊。老公問使唔使請假照顧我,真係唔知樓上單位要精神虐待我哋一家到咩時候?」





小王子精靈可愛,爸爸 Raymond被他氹得好開心。





葉翠翠經常 po小王子的可愛相,因而吸引了一班姨姨粉絲。

搬屋有心無力

葉翠翠一度有意搬屋解決問題,但實在有心無力,她說:「我有諗過搬屋,但係而家就嚟生,生完湊住兩個小朋友,唔通執幾件衫去租酒店,想搬又搬唔到,對方又唔認發出噪音,可以點做?」

事情一直未獲解決,她開始出現失眠,更懷疑自己患有焦慮症:「我同老公講,發現自己好似有少少焦慮症,好似咩都驚,自己一直留意住情況,好快就會有兩個小朋友,如果兩個小朋友八點鐘一齊被嘈醒,到時應該點做,我想求吓樓上高抬貴手,體諒樓下有個大肚婆,同埋有個初生嬰兒。」





懷孕期間,她特別注重營養吸收,佗小王子時,她更會飛外地旅行放鬆。





農曆年前,她跟好姨等為無綫拍賀年特輯,返娘家做客串嘉賓。





身為不少健康產品代言人,她跟老公不時出席公開活動。

撰文、攝影:娛樂組 


鍾意就快D Share啦!