陸永太太Reina今日再上載對話截圖，被對方指呃Like嘅佢話唔要賠償喇！
藝人陸永太太Reina早前發生交通意外，疑因對方一直未簽「和解紙」和賠償，令Reina收到警署方面通知事件仍未settle，要求她去警署落口供，昨日Reina就透過社交網將事件曝光。不過事件曝光後繼續發酵，Reina今日再透過社交網上載電話訊息截圖，當中見到二人對話中，有人指自己因為一直在醫院所以延誤處理但已經say sorry：「上排係我出唔到去簽和解，我真係係（喺）醫院而且都say晒sorry但你今個星期先比（畀）acct no（戶口號碼）我同講幾錢，我兩日未過數你有需要寫到上晒報紙？真係咁需要呃like嗎？」對方質疑Reina將事情曝光是為了呃Like和利用小巿民上位，並承諾翌日會過數賠償：「聽日比（畀）埋入數紙你大概都唔會再聯絡，有咩得罪唔好意思，謝謝」
而Reina就於對話中強調自己無提及過方的身份，亦話：「睇唔出喺邊一個位借用咗你」，Reina指自己只是轉述警方的說話，並重申「重點唔在於時間或金錢」、「你回覆嘅態度，同你所講嘅『好好settle』有好大距離」，Reina指自己亦只是一個好想被尊重小巿民。
最後，Reina喺ig留言：「我緊張賠償的話，我唔會咁耐都未報價畀你！我絕對唔係為追$2600出post咁肉酸，我都驚畀人笑！請千萬唔好過數畀我呀！我唔要無條件消咗案喇！以後泊車小心，唔要二千六唔會死，無端端受人氣屈住可能會死，我都只係一個鍾意上網嘅小市民。」
來源 source: http://hk.on.cc
|
鍾意就快D Share啦！
|
|
|
