張繼聰只准自己拍床戲，嚴禁老婆謝安琪拍愛情動作片。
藝人張繼聰、鄭欣宜、連詩雅、張建聲、雨僑及hmv數碼中國集團主席蕭定一等出席《hmvod成立一週年X原創劇啟動禮》活動，蕭定一表示現時有這些網上平台，可以誇過廣管條例，做一些突破性的演出，令拍攝出來的作品更有生活感，當中包括講粗口都可以出街。
而張繼聰主演的《向西聞記》網劇就有很多粗口，他還與陳意嵐有激情肉搏火辣場口，意識大膽。張繼聰解釋：「都係一啲新嘗試，拍出嚟生活感啲，粗口內容自己都要練習一下，不過都係點到即止，呢啲性愛同粗口情節喺外國好普遍，都係劇情需要，現場播緊我都有留意觀眾反應，都好好，粗口雖然係有殺傷力，但都有娛樂性。（不適兒童觀看？）過多幾年先，依家睇卡通片先。」
他強調會看情況講粗口，至於性愛場面，拍攝前有跟太太謝安琪溝通，但自己就不鼓勵太太拍這類電影，可以拍動作片，不可以拍愛情動作片，鼓勵她唱歌。說到性愛場面，他說：「拍時一啲都唔浪漫，九個男人喺場邊，咁多人圍住我，你哋睇得我好爽，但其實攝影師隻大髀喺我床邊咋！」
唔想評論農夫未能參演
其實這個網劇曾想過找農夫演出，但由於無綫與蕭定一的公司有糾紛，最後農夫未能參與。對此，張繼聰謂：「有睇過新聞。（點睇？）用眼睇唔啱嘅嘢好難講，唔關我事，自己對拍戲嘅熱誠係唔會高到套劇會有乜演員。」雖然他亦是受害者，但不想深入評論，只說：「唔可以咁講，農夫都係出色歌手，亦係我朋友。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
