掃呢頁CODE去手機

2018年3月8日 星期四

【好耐冇「行埋」】老公成日喺大陸 郭羡妮呻爆:唔通自己生蛋咩? __,大陸,中國,

有線電視和福斯傳媒(Fox)達成共識,Fox有14條頻道在有線電視平台播放,包括投資港劇、飲食節目、美劇等都會由今日起同步播映,稍後金像獎都會喺Fox ...




有線電視和福斯傳媒(Fox)達成共識,Fox有14條頻道在有線電視平台播放,包括投資港劇、飲食節目、美劇等都會由今日起同步播映,稍後金像獎都會喺Fox收費台播出。

今日集合兩個媒體嘅高層,包括有線電視收費服務高級總裁張志成,福斯傳媒集團亞太區高級副總裁嚴嘉念,及邀請了藝人郭羡妮(Sonjia)、陳倩揚、唐文龍一齊公佈呢個消息。

Sonjia見到陳倩揚陀B,即摸下沾旺氣,Sonjia一向想追多個,係咁話好羨慕對方咁活躍造人,好犀利。講講下,Sonjia嘆晒氣:「不過老公成日唔喺香港,如果我唔返內地搵佢,佢可能要今年七八月先至返嚟。嚟緊考慮帶埋個女過去搵老公。」陳倩揚聞言就話:「係中就係嗰一兩日!」仲俾意見叫Sonjia可以針灸子宮保養。

倩揚話:「近幾年每個月都定期針灸養生,除咗可以加強功能,亦都可以令情緒平穩。」但Sonjia都係嗰句:「最緊要個男人喺身邊,唔通自己生蛋咩?」又呻:「之前嗰幾年都有同老公夾下時間,但都唔成功。」陳倩揚就提議Sonjia試吓畀個surprise老公,Sonjia即反問:「係咪要著性感內衣?」點解Sonjia好似忽然變咗無知少女mood咁……

陳倩揚今日公布BB性別係囡囡,即將成為兩子一女媽咪,問到佢夠數未?佢話:「我never say never ,上天安排嘅禮物,依家用心迎接七月中預產期。」



精選娛聞,喺晒《娛果》

http://fb.com/appledailyent

攝影:陳慧安 郭羨妮呻(1):「不過老公成日唔喺香港,如果我唔返內地搵佢,佢可能要今年七八月先至返嚟。」
郭羨妮呻(2):「最緊要個男人喺身邊,唔通自己生蛋咩?」
見好友陳倩揚又大肚,郭羨妮再呻:「之前嗰幾年都有同老公夾下時間,但都唔成功。」
陳倩揚建議郭羨針灸子宮養生,話除咗可以加強功能,亦都可以令情緒平穩。
陳倩揚提議Sonjia試吓畀個surprise老公,Sonjia即反問:「係咪要著性感內衣?」




有線電視收費服務高級總裁張志成,同福斯傳媒集團亞太區高級副總裁嚴嘉念今日出席記招。



鍾意就快D Share啦!