2018年3月23日 星期五

【時光可變】經典!基仔中雀屎王菲幫手抹 __,基仔,王菲,古巨基,

基仔不禁話懷念以前。古巨基依家已經係天王級歌手,但係大家仲記唔記得佢都曾經做過娛樂新聞節目《娛樂新聞眼》主持,1990年古巨基參加無綫電視藝員訓練班, ...


基仔不禁話懷念以前。


古巨基依家已經係天王級歌手,但係大家仲記唔記得佢都曾經做過娛樂新聞節目《娛樂新聞眼》主持,1990年古巨基參加無綫電視藝員訓練班,於1991年畢業之後正式投身香娛樂圈,無綫就即刻安排佢主持《娛樂新聞眼》與音樂節目《勁歌金曲》的節目主持。基仔為咗宣傳紅館開演唱會,最近佢就騎上「時光基」拍攝宣傳海報,唔單止咁,佢尋晚仲突襲《東張西望》錄影廠同陳貝兒一齊做主持,即刻回憶返晒嚟呀!

難得返到TVB梗唔止淨係做主持咁簡單啦,全晚重點就係播番當年基仔做主持採訪紅星嘅經典場面,當年基仔只係20歲咁上下,個樣仲係好細路仔,但佢就要去採訪王菲同「小旋風」林志穎,當佢採訪王菲時竟然中咗「頭獎」,即係雀屎,王菲就即刻出手幫基仔抹頭添,而基仔採訪林志穎時國語仲係好水皮,小志講大閘蟹時,基仔聽唔明就一面疑惑,仲用眼神向Cam man求救,認真爆笑!真係要即刻唱番首「時光可變.....世界可變」先得。

今早基仔就將呢段經典爆笑片放上ig,留言話:「別講笑~小鳥都好喜歡我當年個南瓜頭,睇完真的好懷念以前!」而粉絲睇完都話基仔個樣都冇乜點變:「百感交集,話咁快就廿年,邊似」、「你都應該重新理個南瓜頭去采訪嘅」。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...