擁有32E驕人上圍的模特兒何萬莉（Renee）入行短短一年多，已有不少演出機會，除了擔任東網足球直播節目《我愛酒地波》主持外，亦曾飾演女警。對演戲大感興趣的她，直言視內地女星范冰冰為心目中「女神」，希望未來有更多演出機會。
何萬莉最近為東網節目《我愛酒地波》擔任主持，與一眾足球迷齊齊睇德甲直播兼分享波經。她直言本來對足球知識極淺，但主持節目後已極速成為球迷，兼且掌握了非常豐富的足球知識：「依家除咗迷上睇波外，當然更會留意球星，多蒙特中場馬高列奧斯好靚仔，我覺得踢波嘅男仔好有魅力。（擇偶條件之一？）要比較陽光、做運動，我鍾意游水同跑步，識踢波就更好，可以教我。」
讚方力申敬業親民
入行一年多的Renee除了擔任模特兒工作，對幕前演出也大感興趣，早前更簽約寰宇旗下，並深信公司將給她更多演出機會。談到演戲難忘事，她曾在電影《愛情奴隸獸》飾演便衣女警，首次拍戲的她因不知工作時間長，故未有塗防曬，豈料由凌晨拍至翌日傍晚，最終曬黑，她說：「因為未試過拍戲，只係收到通知三點搭通宵小巴去旺角警署集合。原來要上天台拍十幾個鐘，冇諗過拍戲咁辛苦，不過係一個好嘗試。」她又大讚同戲的藝人方力申十分敬業，而且表現親民：「方力申做戲好專業，背稿好快，見到我哋主動叫早晨。」她慨嘆當日時間倉卒，未能與對方交流演戲心得。
視范冰冰為女神
至於視哪位女星為「女神」？Renee坦言是范冰冰忠實粉絲，從小已看她演戲：「佢演《還珠格格》時只係做丫鬟，係一個小小角色，可以做到依家咁高知名度，好欣賞佢嘅努力。而且范冰冰好有善心，成日去山區幫助貧困兒童，人美心更美。」
擁有32E、22、34驕人身材的Renee，不時因工作需要而衣着性感，問到曾否被非禮？她表示沒有，但遇過狂迷等收工：「有次做婚紗展Model，有個男人喺門外等我，要同我影相，嗰時我趕住走婉拒咗，但佢都夾硬要影。」她自言懂得保護自己，在人多地方會以手護住胸部，免得發生不愉快事情。
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
