掃呢頁CODE去手機

2018年3月23日 星期五

【銷聲匿跡】《流氓大亨》萬子細佬羅青浩驚傳已離世 吳啟華:一定係流! __,吳啟華,

《流氓大亨》今晚(22號)大結局,萬梓良句「SoWhat!」同Do姐嗰滴眼淚,為劇集劃上完美句號。聽晚同樣時間,係Jessie同張大勇——《刑事偵緝檔 ...




《流氓大亨》今晚(22號)大結局,萬梓良句「So What!」同Do姐嗰滴眼淚,為劇集劃上完美句號。聽晚同樣時間,係Jessie同張大勇——《刑事偵緝檔案》第一輯。

《流氓大亨》是1986年作品,《刑偵1》係1995年作品,中間橫跨了九年。十年人事幾番新,但香港的改變,同通漲一樣咁快。唔少喺呢個年代出生嘅觀眾,依家先係第一次睇《流氓大亨》,驚為天人。

關於一眾主角,好似萬子嚟真一拳打落吳啟華塊面再成個垃圾筒「車」埋去、喺沙田八佰伴取景扮身在日本、周海媚俾吳啟華騙色……以上呢啲,不少網民都討論過,但有一位劇中演員,可能大家好想知係邊個,但又唔記得佢係邊個。

呢位就係飾演萬子個細佬方學斌———羅青浩,唯利是圖出賣周海媚,所以佢喺劇中當然亦難逃俾萬子痛打。

原名羅振彪嘅羅青浩,喺互聯網資料不多,或可以講根本接近零,反而大陸百度仲有啲簡介,稱羅青浩1961年出生,出身無綫,80年代中期先至改為羅青浩,善長模訪歌手唱歌,九十年代初轉投亞視。其實羅青浩最為人記得,係拍《城市故事》嗰個市儈佬郭通天Victor,同埋《肥貓正傳Ⅱ》、《法網群英》、《縱橫四海》等等,亦拍過電影《千年女妖》、《出土奇兵》和《殭屍福星仔》等等,就連《賭神》都有佢,即係陳刀仔個Friend、銷魂別墅負責人「排骨」。

羅青浩在演藝界一直默默耕耘,演技出色專業,但非常低調,所以關於他的新聞本就不多,就連淡出幕前也是悄然無聲,直至《流氓大亨》一劇重播,大家猛然諗起佢,但又搵唔到佢相關資料,更有不少網民留言,言之鑿鑿稱羅青浩已離世。有人話係癌症,有人話係沙士之前已逝世,爭論不休。

不過,亦有人將已作古藝人李顯明與之混淆,李顯明曾拍《他來自江湖》飾演江明、《蓋世豪俠》飾段飛(即周星馳)好友段飛。李顯明早在七、八十年代已投身演藝界,多被派演吸毒者。可惜遭喉癌折磨,其姐夫阿樂遍尋治療秘方亦未能挽回一命,翌年於葛量洪醫院病逝。

吳啟華同羅青浩曾合作拍《流氓大亨》,啟華接受《蘋果》電話訪問表示:「我都有一段時間冇見佢,聽講佢生活得唔錯。」

對於有傳羅青浩死訊,啟華代友澄清:「咁就肯定唔係,冇啲咁嘅事,啲人亂咁噏,一定係流!因為佢都算係我朋友圈其中一個朋友,有朋友同佢keep in touch,我知道佢一定唔係你講嗰樣嘢,我知道佢生活得唔錯。大家可能認錯佢係李顯明,因為李顯明都係好瘦嘅,同青浩好似樣,嗰時我都有去探佢,之後佢癌症走咗!」

問到幾耐冇見羅青浩?啟華表示:「我應該一年半載冇見佢,唔係好耐,但佢一定平安,我唔呃你。」



《流氓大亨》裡的羅青浩,見利忘義,更出賣家人。
羅青浩投身亞視期間,亦曾與已作古的林正英作合。


與陳秀雯合拍《再見艷陽天》
羅青浩曾參演《賭神》,飾演陳刀仔個friend「排骨」。
《賭神》劇照
羅青浩(右)同羅浩楷都係扮嘢能手,羅青浩尤善長模仿歌手唱歌。
吳啟華證好友羅青浩仍健在,他稱:「咁就肯定唔係,冇啲咁嘅事,啲人亂咁噏,一定係流!」
《城市故事》嘅Victor。旁為何美婷。兩人仲曾因為該劇帶挈,拍咗個花生醬廣告。
這位是資深演員李顯明,94年因喉癌離世。
李顯明(中)曾參演劇集《蓋世豪俠》。
仍然是《他來自江湖》。左一是已作古的歐陽莎菲,右一就是李顯明。 (劇照)





鍾意就快D Share啦!