2018年3月23日 星期五

最長腿星二代 任達華阻入行13歲任晴佳放學少女談心 __,任達華,

【狂撳手機】■任晴佳日前在銅鑼灣狂撳手機打發時間,一雙長腿十分吸睛。DV圖片【銅鑼灣】任晴佳(Ella)是任達華和名模琦琦的獨生女,現年13歲,但身高 ...




【銅鑼灣】

任晴佳(Ella)是任達華和名模琦琦的獨生女,現年13歲,但身高已達5呎7吋,堪稱最長腿星二代。日前Ella放學後出巡銅鑼灣少女談心,穿校服短褲的她青春逼人,一雙長腿超吸睛,遺傳了名模媽咪的衣架身材,但影帝爸爸卻反對寶貝女入行。

任達華於97年娶名模琦琦為妻,寶貝女任晴佳今年已經13歲,兩人不時在社交網晒愛女相片,一家三口十分溫馨。年紀輕輕的Ella長得亭亭玉立,完全遺傳了父母的優良基因,除了五官精緻之外,一雙長腿格外吸引,比同齡少女更加高人一等。雖然被父母視為掌上明珠,但沒有管束她的日常生活,開始長大的Ella有自己的小小生活圈,日前放學後更現身銅鑼灣,跟朋友吃下午茶鬆一鬆。



【先去攞位】

■任晴佳先去餐廳攞位,然後坐低等朋友會合。
【雞啄唔斷】

■任晴佳和朋友最後並排坐,互相睇對方手機哈哈笑。

等足半小時

當日下午約4時,身穿校服的Ella在時代廣場出現,由於穿了衞衣襯短褲,一雙長腿十分吸睛。拿着手機的Ella全程做低頭族,在中庭位置行來行去不停撳手機,等了大約半小時,才搭𨋢上12樓的餐廳,她向侍應表示兩位,之後便走入餐廳坐低等朋友。約十多分鐘後,一名跟她差不多年紀的少女到場會合,兩人表現老友鬼鬼雞啄唔斷,互相睇對方的手機哈哈笑,本來兩人是打對面坐,傾到興起就調位並肩而坐,傾了個多小時仍未盡興。

昨日記者致電Ella的媽咪琦琦,她說:「佢有朋友嚟咗香港,所以約出去食嘢。」而早前琦琦接受本報專訪時曾透露女兒身高已經有5呎7吋,雙腿比爸爸更長,更大讚女兒:「佢嘅比例仲好過我,小腿好長,身材好好,將來應該同我差唔多高。我成日覺得平凡是福,如果到咗16歲、18歲,佢想做model,都好好,做model見識多,又可以traveling,睇佢自己心意啦。」



■琦琦是名模出身,難怪女兒也遺傳了她的高䠷身材。資料圖片
■任達華視任晴佳為掌上明珠,反對寶貝女入行。資料圖片
■開始長大的任晴佳已有自己的生活圈子,朋友眾多。資料圖片

低調愛讀書

雖然很多金牌經理人贒中Ella,排隊想搶簽這位索爆星二代,不過任達華卻反對女兒入行,琦琦亦異口同聲表示:「佢仲咁細個,佢係一個低調、好平凡嘅小朋友,佢根本唔想自己見報紙、唔想出名,佢嘅Ig我都冇add佢,佢只係想讀書。」琦琦還爆女兒超級不喜歡影相,又不愛穿名牌衫,最愛穿H&M、Forever21等平民牌子:「佢係慳妹,好多朋友、auntie送嘢畀佢,佢都係用番自己Forever21嗰隻袋,嗰隻180元嘅袋,佢自己鍾意喎。」又指女兒樸素,上學都是用八達通搭車:「我叫司機幫佢增值1,000元,佢話『唔好呀,入200元好喇,唔見咗點算呀,1,000元太多喇,好危險!』」

採訪、攝影:徐錦池




鍾意就快D Share啦!
Related Posts Plugin for WordPress, Blogger...