2018年3月23日 星期五

【世界末日!】 黃子華親口證實 七月紅館騷係最後一個棟篤笑 __,子華,黃子華,

世界末日!真係世界末日!黃子華今晚到土瓜灣出席一個車行活動時,宣佈今年7月舉行嘅《金盤啷口》棟篤笑,會係佢最後一個棟篤笑!黃子華先於台上宣佈呢個令人震 ...




世界末日!真係世界末日!

黃子華今晚到土瓜灣出席一個車行活動時,宣佈今年7月舉行嘅《金盤啷口》棟篤笑,會係佢最後一個棟篤笑!

黃子華先於台上宣佈呢個令人震撼嘅消息,到受訪時,他亦是早有預備,氣定神閒謂:「其實呢個騷我本身應該要開記者會嘅,每次棟篤笑其實我都應該開(指記招),但我都冇開。同埋因為呢個話題都應該要開個記者會,但係我懶,不過我想講,呢次真係最後一次。」

點解會有此決定?黃子華稱:「呢個話題唔可以喺度三言兩語講到你聽,要入場慢慢解釋。今次唔開記者會嘅原因,亦只能夠講今次係最後一次,所以會喺騷入面講。到時可能同觀眾傾下偈,有啲互動。」

是否因為有啲話題唔講得,或者已經講晒,所以先決定唔再開棟篤笑?子華表示:「好多人都會諗好多原因,晚晚我都會咁諗過。每次諗嘅原因都有唔同,亦都未必係大家諗嘅原因。只能夠入場我先講到。」

子華又承認,於2014年已經有此決定,又謂好感動有觀眾搵番佢2003年嘅報道,該報道係子華喺一個專訪中透露如真係唔再做棟篤笑,個名會係《金盤啷口》。

「03年我已經咁諗過呢樣嘢,所以唔係短時間嘅決定。」問他可會不捨?佢話:「有唔捨得嘅,但係有啲嘢應該要做。」問他之後會有何決定?子華笑言:「我又唔係死,又唔係退休。有啲人會封咪,但係我唔係封咪,只係收咪,亦唔係退休,只係唔做。」


鍾意就快D Share啦!
Related Posts Plugin for WordPress, Blogger...