黃子華爆開完7月的紅館棟篤笑後會收咪，但強調：「我唔係死咗！」仲有好多嘢做。
藝人黃子華將於7月舉行棟篤笑，騷名叫《金盆𠺘口》，子華曾講過最後一個Show將以此命名，即令網上傳言四起，擔心今次是子華是「封咪之作」！
親證唔再做
晚上子華出席「BMW X2 #就係敢Pop-up Exhibition」互動展覽，大家當然最關心這個問題，而子華的答案果然令人傷心，他直言今次是最後一次舉行棟篤笑：「係！但好難依家呢度三言兩語講點解唔再做棟篤笑，到時現場觀眾嚟支持，我哋可以互動吓，我再慢慢解釋，其實我03年搞騷時已經有呢個諗法，想唔再做棟篤笑。」
「我唔係死咗，只係收咪」
對於外界指已經江郎才盡，子華解釋：「我每晚都諗一個原因，但係同大家所諗啲原因唔同。（你有冇唔捨得？）有啲嘅。（你係咪退休封咪？）我唔係死咗，只係收咪。我仲喺度，所以會有其他新動向。」
預留更多門票畀大家
子華還透露今次棟篤笑是兒童不宜：「我啲話題有18禁，好似講性、人情、職業咁，呢啲嘢小朋友未必會明。我有個姪仔話會返嚟睇呢場Show，我都叫佢唔好嚟。同埋有啲有關香港嘅話題，唔係香港人嘅話會唔明囉。（你個Show有禁忌？）棟篤笑一定有啦，不過最難喺將啲禁忌講得好笑。（你場show係咪有『絕望座位表』？）放心我已經留咗好多位，所以夠位畀大家。（你擔唔擔心黃牛嘅問題？）我見情況都幾嚴重，唔知邊方面要正視吓問題。」子華直言已預留更多門票給大家購買，叫大家放心。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
