林偉近年喺無綫劇集打到出晒位！
藝人林偉近年喺無綫劇集《不懂撒嬌的女人》以及《城寨英雄》等人氣急升，近年見林偉做嘅角色都係以打為多，林偉話角色都係公司及監製安排。林偉透露依家不時中港兩地走，拍劇、登台及商演等，問到林偉鍾意內地拍劇定香港？他說：「內地依家投資者資金好多，有好多工作人員，我哋只係專注做好演員，你坐低有好多人幫你抹汗同補妝，好多幫我拎飯呀，又有車接送，香港可能工作人員少，硬件有差別。」
入行多年嘅林偉保養得宜，身形仲成日保持最佳狀態，原來已經56歲嘅林偉凍齡秘訣係做運動，他說：「做有氧運動，最緊要多啲流汗，流多啲汗新陳代謝會好。平時視乎時間同工作去健身室，有時會喺屋企做運動，又或者去屋企附近跑步。」
林偉運動做到足，但食嘢方面就唔戒口，不過就量力而為，他說：「我以前後生會食足百分之百或者八十，但依家會食百分之四十，如果好鍾意食就百分之五十。（忍到口？）忍到，依家見到啲朋友糖尿、膽固醇高，我自己都驚驚哋。（身體檢查？）正常，試過五六年前膽固醇高咗啲，以前太鍾意食蛋撻，下午茶食蛋撻飲咖啡奶茶，隔日就去。嗰陣後生，冇乜警覺性，依家蛋撻都係一個月食一個。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|