原來揀負離子造型係咁解嘅。
經典台灣偶像劇《流星花園》最近喺網上再次掀起重煲熱潮，一班當年嘅劇中演員都不約而同喺社交網上大京當年拍攝點滴，繼「杉菜」大S同「小優」楊丞琳之後，今次就有飾演「美作」嘅F4成員吳建豪喇！吳建豪當年嘅負離子造型真係令人印象深刻，呢日吳建豪就自爆當年點解會揀用呢個造型嘅原因，說：「聽說大家最近看流星花園cue美作的點居然是離子燙，說撩起來很飄逸，美作引領了時尚之類的，還問潮流什（甚）麼時候巡迴到離子燙，其實事實是.....我不想早起弄妝髮……」佢仲晒咗一張當年嘅負離子造型相出嚟，相中寫住「可以多睡一個小時」。一班網友睇見佢解釋揀一個最簡單方便嘅髮型原因，既然係為咗可以瞓多一個鐘，都忍唔住笑。仲有網友呼喚起言承旭、周渝民同朱孝天，指就仲差佢哋三個當年嘅主角就人齊喇，唔知佢哋會唔會真係應一班網友要求現身呢？！
來源 source: http://hk.on.cc
|
鍾意就快D Share啦！
|
|
|