姚子羚和麥明詩今日在銅鑼灣一家內衣店展示新一系列的內衣，麥明詩黑色喱士中門大開，姚子羚則露肩谷胸現身。
麥明詩話今日呢身性感打扮係配合活動，自己都好鍾意內衣當衣服概念，著得出街，仲話自己絕無加墊：「今日已經好收斂，覺得內衣承托力十足，想自然少少，唔想畀人感覺係賣弄性感，希望以自然體態見大家。」對身材都好有信心喎！麥明詩就話：「接受咗唔一定要玲瓏浮凸先係靚，骨感美都好靚。大有大靚，細有細靚。」佢仲話為咗著內衣見人，專登呢幾日食少啲鹽，睇落冇咁水腫。
咁喺男朋友面前會唔會咁樣著呢？頭先至話鍾意內衣當衫著呢個Concept嘅麥明詩就答：「會唔會太保守呀？呢件可以著出街，有其他更私密。」乜嘢程度先？佢話：「少布又唔代表私密，著得多有時都幾過癮。我哋喺一個節目都有討論過誘惑問題，著得令人有遐想，其實更達到效果，唔一定拎晒出嚟就吸引人，人係冇完美，應該隱惡揚善，睇清魅力。」
麥明詩同林作日前被讀者爆料復合，麥明詩否認：「大家係朋友，好耐冇見update下大家，唔會因為人哋點睇而避忌對方。其實之前都有同過往男友見面，唔會因此而唔做朋友。」對於林作話好擔心自己嘅「銷路」，麥明詩話：「呢個擔心我都有，做藝人好多人都未必適應到你生活模式，食飯又會畀人影，真係要搵過了解你又肯犧牲嘅人先得。」
來源 source: http://hk.entertainment.appledaily.com
|
鍾意就快D Share啦！
|
|
|