吳綺莉（Elaine）女兒卓林與外籍女友Andi上載影片，身在加拿大的卓林聲稱無家可歸，與Andi要瞓街頭，更自爆有創傷後壓力症，東網致電吳綺莉好友郭秀雲，郭秀雲即大爆卓林的補習老師Andi母親曾致電Elaine攞錢，她說：「真係好離譜，太約喺半年前，個補習老師阿媽打電話畀Elaine，仲閙Elaine做乜阻住卓林同佢個女一齊，如果你阻住佢，咁你畀個女我喇，你畀幾萬蚊生活費我，我幫你湊女，聽到之後真係好嬲，想打番畀佢鬧番佢，諗諗吓又覺得點解要同佢，同一個Level啫。」
郭秀雲覺得Andi母親攞錢幫Elaine湊女，目的是否為錢？她說：「唔難明呢樣嘢囉，個補習老師之前都有個男朋友，一齊生活咗十年，佢不嬲都冇乜點做嘢，間唔中有少少補習，不過我睇佢send畀我嘅WhatsApp，我唔覺得佢啲英文叻得去邊，我唔知佢憑乜嘢，幫人哋補習，咁我大膽講句我都係半個鬼婆囉。」
郭秀雲表示半年前，卓林還未成年，她說：「咁佢同一個未成年少女一齊係唔合法㗎嘛，呢件事本身就唔啱。」她再爆Andi之前都WhatsApp過她，仲鬧她不尊重愛情，不尊重她們兩人，郭秀雲說：「佢講嗰啲全部都係廢話。」
郭秀雲又指個補習老師生活好唔檢點，是否有不良嗜好？她說：「唔係覺得囉，之前都有驚動過警方去過Elaine屋企搜，Elaine係有飲酒同食好多煙，但佢係冇不良嗜好，我想呼籲希望大家唔好畀錢佢哋，唔好接濟佢哋。」她指以前卓林在港仲有工作時候，她說：「佢返工都拖住條女一齊返工，又唔定時，身為一個老闆點可以接受一個員工，帶住個女朋友一齊返工嘅呢？香港地生活，兩公婆都要一齊去搵食，唔係淨係恩愛，但佢哋就覺得全世界都唔佢哋恩愛囉。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|