歌手劉浩龍（師兄）於麥花臣舉行演唱會，騷後受訪時提到開騷中途痰上頸以致失準，他直言好慘，被煙機影響而起痰，更幾乎爆粗說：「我入去係咁咳出嚟，所以後尾就冇事。啲煙幾焗，綵排嘅時候冇，我話死啦，可能好耐冇上台，冇呢啲毒煙纏身，突然喉嚨好乾，有痰喺喉嚨同聲帶中間，所以啲音好『嗱』奇怪。」他自言很興奮，所以不小心說了多一個字。問到是否美中不足？他就覺得不會：「但當然我覺得可以再做好啲，後嚟就愈唱愈好，因為冇咗舊痰。都幾影響，希望大家多多見諒。」
台上單眼怕誤會急澄清
說到唱《Better Man》後向台下單眼，師兄解釋是向陳奕迅（Eason）單眼，而不是前女友容祖兒，又自嘲結他彈得差，但最終都完成到全首：「本來同佢講彈一半算，因為練唔切，佢話唔緊要，再彈咪一齊入Band。（驚祖兒誤會？）咁啱佢坐隔籬，梗係唔好誤會啦。我聽到大家起哄，但唔關事，我要即刻澄清，係就係，唔係就唔係。」
轉話題避談祖兒
問到祖兒是否仍是其女友？師兄就表示不回答，轉話題說很久沒開騷所以很開心。至於祖兒在台下可令他有壓力？他就表示沒有，因為台下很暗：「我到尾先叫大會開啲燈畀我望觀眾，我好似有散光，望到啲燈爆晒，一個人都望唔到，所以要驗吓眼。」提到祖兒拿着兩部手機幫手造燈海，師兄自言看不到，又指成班朋友都很支持自己：「全場都拎住部機㗎啦，我叫㗎嘛。（祖兒幾聽話！）全場都有做，呢啲係禮貌嚟啫。（再見亦是朋友？）全場都係朋友，感動到我幾乎喊。」
當記者再提起祖兒，他就黑面強調這天是劉浩龍演唱會。但說到沒唱歌單中祖兒的《牆紙》，但樂隊就彈奏了一段《牆紙》的前奏，師兄否認是自己意思，大讚音樂總監很有心思為他改編歌曲，因此很信任對方，並澄清欣賞的兩位歌手是Supper Moment及黎明：「點解你哋唔講我跳舞？無言呀，唔好問啦，我收工去食飯！（你個跳舞老師同祖兒係同一個！）有冇搞錯！全世界都係，佢都幫Eason，唔好乜都扯落去，乖啦，多謝你哋除咗我屋企人同老闆，其他全部都係好朋友！」
---------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|