林盛斌話囡囡識分粗口。
藝人林盛斌（Bob）及歐陽偉豪（Ben Sir）為歌舞劇比賽擔任評判嘉賓。Bob表示講粗口是香港的獨有文化。此時，Ben Sir就「挺身」大晒身穿的粗口Tee，笑謂：「個門字嘅粗口有齊晒，你夠膽影就夠膽出！衝擊吓你哋，睇吓出唔出到，本土文化避唔到。」說畢二人就埋頭研究箇中字眼，Bob謂即使自己不講（粗口），平時都會聽到好多。
叫囡囡唔好學講粗口
二人異口同聲話好少會被捉講粗口，惟跟朋友聚會都會講幾句。育有三女一子的Bob大爆女兒識聽識分辦，無師自通：「喺屋企係完全零唔講，十年嚟都冇到啲小朋友唔啱聽嘅嘢，但有時啲囡囡聽到啲外國Rap歌，有講到都會同我講聽下一首，佢又會同我講學校有同學仔講，我會同佢講知就好，唔使跟住學。」Ben Sir就謂睇情況：「有時喺屋企都會一個字爆咗出嚟，但就係針對事或者自己，上次《睇樓團》做得唔好，要罰我做多輯。咁樣，都講及操控能力。」
囝囝冇晒事
談及Bob的細仔最近進出醫師非常頻密，他心痛表示最近細菌太犀利，身邊有好多朋友都中招：「咁啱太太（Pearl）去咗杭州工幹，好彩有婆婆仗義幫手湊，但就要不停車出車入拎日用品。」Bob表示完全感受到媽媽的重要性：「佢有遙控教我照顧囝囝，同埋真係多謝醫院嘅醫護人員同醫生，好細心照顧得好好，依家囝囝返咗屋企冇晒事，太太都返咗嚟。」
---------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|