歌手鄭伊健的紅館演唱會昨日舉行第4場，太太蒙嘉慧繼續坐在「主家席」打氣，伊健的螢幕情人舒淇、劉偉強導演夫婦、梁釗峰、陳健安、樂隊Nowhere Boys前來捧場。不過，因伊健在第3場演出翻騰動作時不慎受傷，他一直忍痛演出，經醫生診斷後證實脊椎移位及右手韌帶撕裂，要他不要再做高難度動作，還用醫療膠布在他右手臂上黐上假韌帶，讓他可以做到簡單動作。
然而伊健見到現場過萬觀眾來支持，就樂觀面對傷患，還笑言：「做咗一年嚴格嘅體能訓練，身體受咗傷都撐得住，已做咗3場倒掛已好好，惟有咁樣安慰自己！大家放心！我會盡力！」因不能做倒掛動作，伊健就改擺Chok Pose補數，令全場尖叫聲震天。
最令觀眾感震撼是從天而降的空中舞台終於這晚出現，本來掛在高高的橢圓形大銀幕能上下分割空降打開，讓伊健在雲層半空唱着《心照》出現，為觀眾帶來驚喜。
完騷後，伊健換上大會Tee，到紅館外與超過200名來自各地的歌迷會歌迷影「全家福」，其中女fans抱埋BB合照，相信是全場年紀最小的Fans，合照時BB不耐煩扭計，伊健立即逗他，非常搞笑。
來源 source: http://hk.on.cc
|
鍾意就快D Share啦！
|
|
|