網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年2月28日 星期四

李蕙敏:C1:李蕙敏放棄人工受孕領養B女 __,李蕙敏,

現年48歲的李蕙敏(Amanda)與老公Serge婚後一直恨生B,早年人工受孕失敗後已打算領養。本身是養女的她以生命影響生命,最近便領養了一名女嬰,榮 ...


現年48歲的李蕙敏(Amanda)與老公Serge婚後一直恨生B,早年人工受孕失敗後已打算領養。本身是養女的她以生命影響生命,最近便領養了一名女嬰,榮升媽咪的她日前與囡囡在中環出巡,全程母愛氾濫。對於領養一事,Amanda只低調說:「總之進行中,其他唔方便講太多。」

Amanda與英籍丈夫Serge Micallef結婚6年,一直積極造人,曾揚言想生一仔一女的她落足工夫,多管齊下,嘗試食療、針灸、睇中醫等,奈何期間要切除子宮良性腫瘤令生B計劃一度擱置,曾打算領養,及後試過兩次人工受孕,惟均告失敗。最近Amanda坐言起行領養了一名女嬰,組成一家三口幸福之家,本身亦由養父母湊大的Amanda可謂把愛心延續。

頻為囡囡整理衣衫

據悉Amanda為領養早已作出準備,去年12月,記者發現她到中環為囡囡張羅,購買不少新裝及嬰兒用品,日前還與家傭帶同囡囡到中環出巡。當日下午約3時,戴上冷帽及黑超的她,與家傭推着BB車離開該處商場,B女約8至9個月大,面頰肥嘟嘟,眼仔睩睩極可愛,坐在BB車上不時抬頭望媽咪,愛女心切的Amanda頻頻逗囡囡玩,甚為溫馨。

期間手持飲品的Amanda手指指,示意家傭往乘扶手電梯,當上電梯時,她亦急急扶着BB車安頓女兒,可見寵愛有加!及後她們沿中環往半山的扶手電梯行返寓所,囡囡全程興奮得腳揈揈,Amanda就頻頻為她整理衣衫,母愛表露無遺。

自詡湊小朋友耍家

對於領養一事,Amanda接受本報電話訪問時坦言:「我會,實行過,研究吓啦,都進行中喇,準備緊喇。」提到手續進展如何?她說:「唔好意思,唔想講太多。(心唔心急?)唔太急,唔知幾時做到,順其自然啦,我一向好鍾意小朋友,湊小朋友都好耍家,中學時我做補習老師,試過湊成30個小朋友,佢哋仲成日攬住我雙腳唔畀我走㗎。」

至於當日與BB出巡,她則避忌地說:「唔……朋友個BB嚟,因為朋友要工作,我幫手湊啫。」但亦表示愛無分界限,因此領養的小朋友無論任何國籍及性別也沒所謂。問到會否再嘗試人工受孕?她斬釘截鐵說:「唔會,太辛苦喇,仲搞到內分泌失調。」

更多新聞,請瀏覽東方日報網頁:

https://orientaldaily.on.cc/


來源 source: http://hk.on.cc
鍾意就快D Share啦!