1998年港姐季軍吳文忻（現名吳忻熹），武漢肺炎期間經常在個人社交網站呻「悶到一個點」，有時仲會忍唔住一丁友走咗去行山出一身汗，但估佢都係揀啲冷門少人路線。近日，吳文忻終於頂唔順，低胸小背心出動，約班fd聚會野餐飲埋酒！望望佢身形，似乎留家抗疫呢段日子，長咗肉喎，以前韓國溶咗、抽咗嘅老友，返咗嚟。
最近，香港武漢肺炎確診多為個位數，過去一星期都有幾日無確診個案，政府會否在5月7日限聚令到期時考慮放寬呢？畢竟，港人都出現抗疫疲勞了，每逢周末都可在空曠草地看到人群聚集，而且防護鬆懈，多數唔戴口罩，45歲吳文忻及一眾友人都一樣，近距離談天說地，飲埋酒就更加爽歪歪。低胸小背心嘅吳文忻，食嘢時相當麻甩豪氣，直接用口咬開包裝袋，然後拎住邊食邊四圍走，仲吮埋手指，yummy。其實佢都知自己事，事後會做返運動再出post話：「Weekend食多飲多了，又來weekdays要還的！keep sweating！」
武漢肺炎爆發後，吳文忻被指「行得好前」，仲被讚係「最靚港姐」，事關佢曾經出post勁窒政府抗疫工作差到一個點，關又唔封口罩又話無。甚至大鬧廢老支持禁蒙面唔畀人戴口罩，轉個頭又四圍撲口罩，買唔到就鬧人。佢更提及到理大、港大、黃色經濟圈等。林鄭逆市加薪，佢當然唔客氣，直接出post話：「你老闆，即係我哋呀！全香港無人話請你㗎，仲要咁高薪！呢個景況仲要加薪？真係xyz(粗口emoji)。我哋做老闆俾錢出糧都冇權選邊個？sigh……#全民普選」咁有吉士嘅香港小姐，真係唔多，譚小環之外，就輪到吳文忻。
吳文忻「走得好前」嘅代表作，仲有整容。佢可以話係香港首位承認整過容，更公開整容過程嘅香港藝人，當時係2006年，佢話：「成日被人話整過容，索性大大方方去整返次。」包括整鼻、下巴打肉毒桿菌等等。
吳文忻離開娛樂圈後專心做賢妻良母，武肺期間日日同兩個女困獸鬥，鬥悶。於是，摷返啲舊相出嚟懷緬當年18歲卜卜脆。雖然18歲未整容，但清純包包面，好有初戀感覺。
攝錄：陳亦龍、李玄
APP 內 1-Click 訂閱
按此了解更多
-----------------------------
【昔日紙本檔案庫】
30年壹仔經典 壹壹重現！
|
鍾意就快D Share啦！
|
|
|
