「大台姣精」朱智賢被《蘋果》獨家揭發與人夫黎振燁到山邊約會偷食，今日下午朱智賢與男友謝東閔一起出席記者會，謝東閔全程撐女方，更一度哽咽，又稱會陪女友渡過這個難關；但事件女主角朱智賢講話比陪同出席的謝東閔更少，當中dead air的時間更佔去記者會全長的4分1時間。
朱智賢與謝東閔接受了今晚播出的《東張西望》訪問，朱智賢邊講邊喊：「我承認因為拍劇而導致而家咁樣嘅，覺得自己經驗唔夠啦，演戲經驗唔多，咁所以唔夠專業，搞成今時今日咁樣，我覺得自己抽離唔到個角色。」
對於謝東閔不離不棄，朱智賢稱：「好多謝Brian（謝東閔）呢段時間陪住我，因為我知佢其實承受咗好多，佢比我更加難受、更加痛苦。」說罷，朱智賢索鼻及用紙巾印眼角的淚水，她稱想向家人及《食腦喪B》的台前幕後道歉：「我最想就係同屋企人講對唔住嘅，因為我好唔想因為我自己嘅事影響到屋企人，我記得我即時send短訊畀我爹哋，因為我好驚影響到佢，我唔想屋企人俾人講閒話，我唔想因為我一個人嘅事，而影響到我身邊嘅人，同埋我好想……同劇入面嘅演員講對唔住，仲有監製講對唔住，因為我嘅唔專業，我會連累到大家，我以後會做返好啲，希望大家可以畀個機會我。」
雖然朱智賢臉如死灰地表示：「我真係好後悔、好內疚，我都接受唔到自己犯呢個錯……」但她始終沒有向黎振燁的懷孕妻子表示歉意。
陪朱智賢受訪的謝東閔被主持人問到今後日子有何打算，他說：「都盡量……如果唔使工作嘅時候，即係陪佢（朱智賢）多啲啦，因為其實呢段日子都唔係咁容易過，即係可能受到好多出面嘅壓力，咁我都希望呢段時間可以陪佢一齊走過呢個階段。」
-----------------------------
App內1-Click訂閱《蘋果動新聞》
按此了解更多
來源 source: http://hk.entertainment.appledaily.com
|
鍾意就快D Share啦！
|
|
|
