陳婉婷爆姣精扮純情派糖冧人夫
有「最索丫鬟」之稱的前無綫藝人陳婉婷（Hebe），曾與黎振燁合作劇集《丫鬟大聯盟》，她受訪時力撐舊拍檔並非負心漢，並爆有「姣精」女藝人主動向黎振燁示好，但他不為所動，Hebe說：「我哋合作咗個幾月，成日對住，所以我睇到佢平時點對人，絕對相信佢唔會對唔住太太。試過有一次，有個平時喺人面前扮晒純情，但其實成日周圍姣人嘅女仔請佢食糖，佢即刻送畀第二個男仔。（個女仔係邊個？）邊個我就唔講喇，唔想抹黑任何人，淨係想講一個例子等人哋知道，其實黎生冇乜機心嘅。」續指：「以我所知，佢哋好難得先至有呢個BB，經歷咗好多嘢。」
至於《丫》劇女主角湯洛雯表示沒見過有人「姣」黎振燁：「同黎振燁冇對手戲，唔知道。」同劇的莊思明表示：「之前拍攝時，一班女仔會輪流買好多零食，然後一箱箱拎入廠畀大家食，唔見有人專登買嘢畀人食喎！（覺得陳婉婷抽水？）唔知呀！大家自己衡量，只係覺得人哋嘅事唔應該加把嘴。」
來源 source: http://orientaldaily.on.cc
|
鍾意就快D Share啦！
|
|
|
