【咁樣拆彈】謝東閔攬晒上身 朱智賢偷食人夫喊住道歉
朱智賢被指偷食人夫黎振燁，向謝東閔「派帽」，人夫繼續潛水，而朱智賢及謝東閔今日下午就齊現身開記者會。
兩人已黑白造型示人，慘戴綠帽的謝東閔仍盡顯風度讓女方先行，男方首先發言，期間不時嘆氣及哽咽，但內容明顯早有準備，甚有「背稿」感覺！他說：「我今日決定企出嚟陪佢開記者會，係因為擔心佢能否承受呢種壓力，佢已經將成件事來龍去脈講我聽，我已知道所有事情，現階段我會陪住佢走過呢一關。」朱智賢聞言即落淚，謝東閔續說：「可能佢一時間有點迷失，我自己都有啲責任，可能我經常掛住工作，疏忽咗佢，其實佢係個好勤力嘅演員，希望大家畀個機會佢自己反思一下，亦希望佢將來可以繼續跟TVB工作，ThankYou！」
朱智賢心情沉重，良久也未能開口，她說：「首先我要講『對唔住』，我令大家失望，對唔住！我知自己做錯，對唔住錫我嘅人；對唔住畀機會我嘅人，我辜負你哋，辜負咗公司。我喺呢度向事件中受傷害嘅人講聲對唔住，真心對唔住！」當記者追問她會否向黎太道歉時，她低頭不語，謝東閔以Thank You作結，並搭着女方膊頭離開。
記者會結束後，傳媒追訪同在現場的高層樂易玲，但她頭也不回離去。而眼利網友亦發現朱謝兩人舉行記者會時有拖手，又笑指無線為何不播《陪著你走》作現場音樂。
來源 source: http://hd.stheadline.com
|
鍾意就快D Share啦！
|
|
|
