講得有道理！
當年由李連杰主演嘅電影《倚天屠龍記》口碑唔錯，不過續集一直都係只聞樓梯響，拖咗27年終於開續集，當然一班主角梗係換晒新人導演王晶尋日公開咗幾位主要角色由邊位藝人飾演，但係當年由邱淑貞飾演嘅索爆小昭就未有消息，唔少網民都估究竟呢個咁搶眼嘅角色花落誰家，有人推測有新疆血統嘅美女迪麗熱巴飾演，不過王晶就出面澄清唔係，之後網民再估出名身材玲瓏浮凸嘅徐冬冬，佢本人喺社交網發文話自己身材有一個缺點，所以一定演唔到小昭嘅個角色。
徐冬冬發文表示：「小昭不是我，我的塊頭只能反串演金毛獅王，但是已定我非常欣賞的徐錦江老師演了。我是女漢子，不是仙女。小昭的人選一定是個小仙女…我永遠勝任不了！支持王晶導演新戲。」好多網民都留言讚佢自黑夠晒玩得，仲有人留言叫王晶將小昭改做大昭，咁徐冬冬咪啱演囉！
來源 source: http://hk.on.cc
|
鍾意就快D Share啦！
|
|
|
