72歲汪明荃（阿姐），今日在IG中post出自己的運動爆汗片，然後自稱是鄭秀文（Sammi）2.0後，馬上引來一片迴響，就連真身Sammi亦忍不住要貼出阿姐的爆汗片，大讚「成件事好Sammi」，亦留言多謝多謝阿姐的另類鼓勵及阿姐的愛。
雖然Sammi在帖文中指阿姐「最後那兩聲who蝦和笑聲簡直是神髓」，不過晚上Sammi再post出短片，表示自己在家中吃飯時忽然想問阿姐左眼下的墨是否真的？她邊笑邊說：「見你爆汗嗰陣呢度有粒墨，真係同我爆汗點走去粒墨真係一模一樣，真係好勁！」而Sammi亦提醒阿姐：「下次爆汗記得搽唇膏，我好鍾意爆汗搽唇膏同埋唔畫眼眉，你都不妨再試吓！好多謝你呀！你簡直比Sammi更Sammi呀！」而Sammi講完自己亦不忍不住大笑，之後她續道：「仲有呀，我覺得你最精警就係4下who蝦who蝦，好正呀！真係巧（好）神似！」而Sammi在影片的最後，以who蝦和大笑做結尾。除了貼出短片外，Sammi更寫着：「Who霞Who霞。加上Liza姐幽幽的粵曲腔，簡直是完美的演繹。！！！Liza姐，好波！」而且亦hashtag「#一粒墨都不能少 #一片紅唇都不能少」作提醒。
阿姐看完Sammi的post後，即回覆指自己臉上那粒不是墨，而是老人斑：「我粒墨是老人斑呀。既然你果粒係點上去嘅，咁下次做gym就唔好啦，人哋會以為你都有老人斑㗎啦。」至於Sammi建議阿姐下次不要畫眉，阿姐就話：「我眉毛是堅的，不是畫上去的。」而阿姐更謂本來放片只是想娛樂大家，沒想到會有那麼大迴響，更謂：「多謝大家咁俾面！最緊要開心！」
除了阿姐外，Sammi的好友卓韻芝亦貼出爆汗片扮Sammi，不過扮到最後忍不住笑起來，然後說：「唔得，扮唔到！」而周柏豪亦有貼出爆汗片，不過他就笑言自己是「阿姐2.0」，更留言叫大家「不如一路tag落去」。
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
